अख्तियारमा लोकसेवाबाट नियुक्तिको व्यवस्था हुनुपर्नेमा सांसदहरुको जोड

६ वैशाख, काठमाडौं । बुधबार बसेको प्रतिनिधिसभाको बैठकमा सरकारबाट पेस भएको अख्तियार दुरुपयोग अनुसन्धान आयोगसम्बन्धी ऐन संशोधन गर्न बनेको विधेयकमाथि छलफलमाथि सांसदहरुले धारणा राख्ने क्रम जारी छ । 

सो क्रममा राप्रपा ज्ञानेन्द्र शाहीले आयोग नामप्रति प्रश्न उठाए । उनले अख्तियार सरकारी सेवामा हुने भ्रष्टाचारमाथि अनुसन्धान गरेर कारवाहीको साटो भ्रष्टाचारीलाई संरक्षण दिइरहेको आरोप लगाए । 

उनले आयोगको नाम नै ‘भ्रष्टाचारी संरक्षण आयोग’ राख्नुपर्ने भन्दै आयोगको कामकारवाहीको कडा आलोचना गरे । उनले अयोगमा सरकारले आफ्ना समर्थक वा कुरा मिल्ने मान्छेलाई नेतृत्व र सदस्य नियुक्ति गर्नुनै अख्तियारले प्रभावकारी र निष्पक्ष रुपमा काम गर्न नसकेको उनको भनाइ छ ।  उनले आयोगको नाम अख्तियार दुरुपयोग अनुसन्धान तथा निर्वारण आयोग’ राख्न सुझाए ।

उनले आयोगमा नेतृत्वदेखि सदस्यसम्म लोक सेवाबाट गरिनुपर्ने बताए । लोृकमान सिंह कार्कीले भ्रष्ट नेताहरुलाई कारवाहीको प्रक्रिया थालेकै कारण महाअभियोग लगाएर हटाएको भन्दै आयोगमा लोक सेवाबाट परीक्षा लिई पठाउनुपर्ने बताए । 

यस्तै, रसांसद रामकृष्ण यादवले आयोगमा हुने सबै नियुक्ति प्रक्रियाबारे पुनर्विचार गर्ने बेला आइसकेको बताए ।

अहिलेकै अख्तियारबाट निष्पक्ष काम र भ्रष्टाचार निवारणमा परिणाममुखी काम हुन्छ भन्नेमा आफूलाई शंका लागेको सांसद मेटमणि चौधरीले बताए  उनले अख्तियारमा सरकारबाट हुने नियुक्ति प्रक्रियालाई परिवर्तन गर्नुपर्ने बताए ।

विरोधीहरुलाई दुःख दिने गरी परेका उजुरीलाई अख्तियारले ख्याल गर्ने गरी कानून ल्याउनुपर्नेमा सांसदहरुले जाेड दिएका छन् ।