सिंहदरबार ठप्प पार्ने योजनासहित कर्मचारीहरूले ल्याए आन्दोलनका कार्यक्रम

६ वेशाख, काठमाडौं । निजामती कर्मचारीहरूका युनियनहरूले सरकारको प्रशासनिक केन्द्र सिंहदरबार ठप्प पार्ने योजनासाथ आन्दोलन गर्ने घोषणा गरेका छन् । उनीहरुले यही वैशाख २१ गते सिंहदरबार कार्यस्थल रहेका कर्मचारीहरू कोही पनि उपस्थित नहुने आन्दोलनका कार्यक्रम ल्याएका छन् । 

ट्रेड युनियन अन्तर्गत आवद्ध उनीहरुले वैशाख १९ र २० गते प्रधानमन्त्री पुष्पकमल दाहाल ‘प्रचण्ड’लाई एसएमएस पठाउने कार्यक्रम तय गरेका छन् । 
प्रस्तावित संघीय निजामती सेवा ऐनमा आफूहरूले उठाउँदै आएका माग समावेश नगरिएकोले आन्दोलन घोषणा गरिएको कर्मचारी युनियनका सचिव प्रकाश भट्टराईले बताए ।

कर्मचारीहरूले वृत्ति विकास, सेवा तथा सुरक्षालगायतका माग राख्दै आएका छन् । माग सम्बोधन गरी सरकारले चालु अधिवेशनबाटै संघीय निजामती सेवा ऐन ल्याउनुपर्ने उनीहरुको माग छ ।