उपप्रधानमन्त्री खड्काद्वारा कानून मन्त्रीको पनि पदभार ग्रहण

६ वैशाख, काठमाडौं । उपप्रधान तथा रक्षामन्त्री पूर्णबहादुर खड्काले कानुन न्याय तथा संसदीय मामिलामन्त्री पदभार ग्रहण गरेका छन् । उपप्रधानमन्त्री खड्काले बुधबार दिउँसो कानुन मन्त्रालयमा  पदभार ग्रहण गरेका हुन् । 

चैत १७ मा उपप्रधानसहित रक्षा मन्त्रालयको जिम्मेवारी सम्हालेका खड्काको बाँधमा कानुन मन्त्रालयको जिम्मेवारी पनि थपिएको हो । 
उनलाई मंगलबार मात्र प्रधानमन्त्री पुष्पकमल दाहाल प्रचण्डले कानुनमन्त्रीको जिम्मेवारी दिएका थिए ।

पदभार ग्रहण गर्ने क्रममा उपप्रधानमन्त्री खड्काले कानुन न्याय तथा संसदीय मन्त्रालयले राज्यका ‘कार्यपालिका, व्यवस्थापिक र न्यायपालिकाबीच ३ निकायबीच समन्वय गर्ने बताए । 

‘संविधानमा व्यवस्था गरिएका मानवअधिकार र मौलिक हकसँग जोडिएका कानुन निर्माण गर्ने प्रक्रिया चलिरहेको बताउँदै यसलाइ पूरा गर्ने गरी काम गर्ने उनले बताए ।

खड्का नेपाली कांग्रेसकातर्फबाट नेतृत्व गरेर चैत १७ गते मन्त्रिपरिषद्मा सहभागी भएका थिए ।