प्रतिनिधिसभाको बैठक वैशाख १२ गतेसम्मका लागि स्थगित

६ वैशाख, काठमाडौं । प्रतिनिधिसभाको बैठक यही वैशाख १२ गतेसम्मका लागि स्थगित भएको छ । बुधबार प्रतिनिधिसभाको बैठक १२ गते दिउँसो १ बजे बस्ने गरी स्गति भएको जानकारी दिएका थिए ।

बुधबार प्रतिनिधिसभाको २५औं बैठक बसेको थियो । बैठकमा सांसदहरुले समसामयिक विषयमा शुन्य समय र शून्य समयमा कुरा उठाएका थिए ।

बैठकमा सरकारका तर्फबाट सरकारी प्रवक्ता एवं संचार तथा सूचना प्रविधि मन्त्री रेखाकुमार शर्माले अख्तियार दुरुपयोग अनुसन्धान ऐन २०४८ को तेस्रो संशोधन २०७७ लाई संशोधन गर्न बनेको विधयेक पेस गरेकी थिइन् । 

विधेयकमाथि सदनमा छलफल भएको थियो । प्रस्तुत विधेयकमाथि डेढ दर्जभन्दा बढी सांसदहरुले धारणा राखेका थिए । धारणा राख्ने अधिकांश सांसदहरुले विधेयकलाई संसदीय समितिमा लगेर दफावार छलफल गर्नुपर्ने बताए ।

छलफलका क्रममा सांसदहरुले विधेयकमाथि उठाएका प्रश्नकाे विधेयक प्रस्तुतकर्ता प्रवक्ता शर्माले जवाफ दिएकी थिइन् ।