चितवनको सुरूवाती मतगणनामा एमालेका न्यौपानेलाई अग्रता

११ वैशाख, चितवन । आइतबार सम्पन्न चितवन क्षेत्र नम्बर २ को उपनिर्वाचनको सुरुवाती मतगणना मतपरिणामअनुसार नेकपा (एमाले)का रामप्रसाद न्यौपानेले झिनो मत अग्रता लिएका छन् । 

इच्छाकामना गाउँपालिकाको मत १ हजार गणना हँदा एमालेका न्यौपानेले ३६७, राष्ट्रिय स्वतन्त्र पार्टीका सभापति रवि लामिछानेले ३१९ पाएका छन् । यस्तै सत्ता गठबन्धनका उम्मेदवार नेपाली कांग्रेसका जीतनारायण श्रेष्ठले २९७ मत पाएका छन् । राप्रपाका जीवलाल पुरीले पनि मत पाएका छन् । 

मतदान बेला रास्वपाका उम्मेदवार लामिछानेले निर्वाचन आचारसंहिता उल्लंघन गरेको र सीडीओ सुरेन्द्र पौडेलले निष्पक्ष भूमिका नखेलेको भन्दै कांग्रेस उम्मेदवार श्रेष्ठले मुख्य निर्वाचन अधिकृतको कार्यालयमा उजुरी हालेपछि मतगणना कार्य सोमबार दिउँसो २ बजेतिरबाट मात्र सुरु भएको हो ।

१ लाख २४ मतदाता रहेको यो क्षेत्रमा ६३ प्रतिशत मत खसेको निर्वाचन आयोगको दाबी छ ।