चितवनमा अग्रता बढाउँदै रवि लामिछाने, पछ्याउँदै एमालेका न्यौपाने

११ वैशाख, चितवन । चितवन २ को उपनिर्वाचनको जारी मतगणनामा राष्ट्रिय स्वतन्त्र पार्टी (रास्वपा)का उम्मेदवार रवि लामिछानेले अग्रतालाई फाराकिलो पार्दै लगेका छन् ।

इच्छाकामना गाउँपालिकाको ५ वटा वडाको मतगणना सम्पन्न हुँदा लामिछानेले १ हजार ५ सय भन्दा बढी मतान्तरले अग्रता लिएका छन् । पछिल्लो मत परिणाम अनुसार लामिछानेले ३ हजार ६०२ मत पाएका छन् । उनलाई पछ्याइरहेका एमालेका रामप्रसाद न्यौपानेले २ हजार ८२ र कांग्रेसका जितनारायण श्रेष्ठले १ हजार ४ सय ९४ मत पाएका छन् ।

मतगणनाको सुरुवाती चरणमा भने एमालेका न्यौपानेले अग्रता लिएका थिए । इच्छाकामना गाउँपालिका चितवनको मुग्लिङ क्षेत्र भएको विकट क्षेत्र हो ।