बारा-२ फराकिलो अन्तरले अगाडि बढे उपेन्द्र

१२ वैशाख, काठमाडौं । बारा क्षेत्र नम्बर-२ को उपनिर्वाचनको मतगणना जारी छ । सत्ता गठबन्धनका साझा उम्मेदवार जसपा अध्यक्ष उपेन्द्र यादवले अग्रता कायम राखेका छन् । 

अहिलेसम्मको मतगणनामा जनमत पार्टीका शिवचन्द्र कुशवाह ४ हजार २९८ मतले पछि परेका छन् । दोस्रो स्थानमा रहेका कुशवाहको ८ हजार १८१ मत छ । तेस्रो स्थानमा नेकपा एमालेका पुरुषोत्तम पौडेल छन् । उनको ४ हजार ४४१ मत छ । 

राष्ट्रिय स्वतन्त्र पार्टीबाट उमेदवार बनेका रमेश खरेलले एक हजार ९८१ मत पाएका छन् । करैयामाई र सुवर्ण गाउँपालिकाको मत गणना सकिंदा यादव ४ हजार ४ सयभन्दा बढी मत अन्तरले अगाडि छन् । यादवले १२ हजार ११९ मत पाउँदा उनलाई पछ्याइरहेका जनमत पार्टीका शिवचन्द्र प्रसाद कुशवाहाले ७ हजार ६९३ मत पाएका छन् । 

यादव र कुशवाहबीचको मतअन्तर ४ हजार ४२६ छ । तेस्रो स्थानमा रहेका नेकपा एमालेका उम्मेदवार पुरुषोत्तम पौडेलले ४ हजार ३२८ र राष्ट्रिय स्वतन्त्र पार्टी (रास्वपा)का उम्मेदवार रमेश खरेलले १९४१ मत पाएका छन् । प्रभु साह नेतृत्वको आम जनता पार्टीका उम्मेदवार अरुण कुमार ज्ञवालीले ६२० मत पाएका छन् ।