उत्पादन बढाउन विज्ञान र प्रविधिलाई उच्च प्राथमिकताः प्रधानमन्त्री

 १२ वैशाख, काठमाडौं । प्रधानमन्त्री पुष्पकमल दाहाल प्रचण्डले सरकारले विज्ञान र प्रविधिमार्फत स्वदेशी उत्पादनलाई उच्च प्राथमिकता दिएको बताएका छन् । प्रधानमन्त्री प्रचण्डले विप्रधिको प्रयोगबाछ मात्र देशमा विकास र समृद्धि हासिल गर्न सकिने बताएका छन् । 

मंगलबार बिहान राष्ट्रिय आविस्कार केन्द्रका अध्यक्ष डा. महावीर पुनको टोलीलाई बालुवाटार बोलाएर प्रधानमन्त्रीले विज्ञान र प्रविधिलाई उच्च प्राथमिकता दिएर मात्र विकास र समृद्धिलाई गुणात्मकता दिन सम्भव रहेकाले नवप्रवर्तनको क्षेत्रलाई सरकारले उच्च प्राथमिकता दिने बताएका हुन् ।

विज्ञान प्रविपिधको विकास मार्फन नयाँ उत्पादनलाई जोड दिने बताएका छन् । नवप्रवर्तनको क्षेत्रलाई उच्च प्राथमिकता दिएर सरकारले काम गर्ने प्रतिवद्धता उनको छ । भेटमा अध्यक्ष डा. पुनले ‘यात्री’ लगायत नेपालमै उत्पादित सवारीसाधनलाई सञ्चालन अनुमति प्रदान गर्न र नवप्रवर्तनको क्षेत्रमा लगानी वृद्धि गर्न प्रधानमन्त्रीको ध्यानाकर्षण गराएका थिए । 

प्रधानमन्त्रीकबो सचिवालयका अनुसार डा. पुनले नेपालमा उत्पादित सवारीसाधनलाई दर्ता गर्ने र प्रवर्धन गर्ने प्रयोजनका निम्ति सरकारले कानुन र अन्य विषयमा सहनजीकरण गर्नुपर्ने बताएका थिए । उनले कानुन निर्माणको काम छिट्टै सम्पन्न गर्न प्रधानमन्त्रीसंग आग्रह गरे ।

जवाफमा प्रधानमन्त्रीले डा. पुनले उठाएका विषयहरू राष्ट्रिय हित र समृद्धिको पक्षमा रहेको भन्दै नवप्रवर्तनलाई प्रोत्साहन गर्न सरकार प्रतिबद्ध रहेको बताएका थिए । प्रधानमन्त्रीले विज्ञान–प्रविधिको विकास बिना देशको विकास सम्भव नहुनेमा आफू स्पष्ट रहेको भन्दै नेपालमा उत्पादित सवारीसाधनलाई दर्ता गर्ने र राष्ट्रिय उत्पादनलाई प्रवर्धन गर्ने कानुनको मस्यौदा तयार पार्ने प्रक्रिया अघि बढिसकेको बताएका छन् ।