इटहरी र धरान उपमहानगरबीच बल्झियाे सीमा विवाद

१२ वैशाख, काठमाडौं । सुनसरीको इटहरी र धरान उपमहानगरपालिकाबीच सीमा विवाद भएको छ । धरान उपमहानगरपालिकाका मेयर हर्क साम्पाङले आइतबार इटहरीको क्षेत्रमा सीमा प्रारम्भको बोर्ड राखेपछि दुई पालिकाबीच सीमा विवाद सुरु भएको हो । 

दुई नगरको सीमा बिन्दु सेउती खोलाको पुललाई मान्दै आएको छ । तर मेयर साम्पाङले सेउतीबाट ५ किलोमिटर दक्षिणमा पर्ने तरहरामा सीमा प्रारम्भको बोर्ड राखेर हस्तक्षेप गरेको इटहरी उपमहानगरपालिकाले आपत्ति जनाएको छ । 

सेउतीको सीमालाई तरहरामा ल्याएको भन्दै एमालेनिकट युवा संघका कार्यकर्ताले आइतबार राति नै बोर्ड उखालेर फालेका थिए । कर्ण कांग्रेसबाट र उपमयेर संगीताकुमारी चौधरी एमालेबाट निर्वाचित हुन् । 

दुई नगरबीच देखिएको सीमा विवाद वार्तामार्फत समस्याधान गर्न आफू तयार रहेको इटहरी उपमहानगरपालिका मेयर पौडेलले बताएका छन् । उनले मंगलबार पत्रकार सम्मेलन गरेर समस्यालाई वार्ताबाट टुंग्याउनुपर्नेमा जोड दिए । २०१० साल भन्दा अगाडिदेखि इटहरी–धरानको सिमाना सेउती पुल रहेको उनको दाबी छ । 

उता धरान उपमहागरका मेयर साम्पाङ भने स्वतन्त्र उम्मेदवार उठेर निर्वाचित भएका हुन् । इटहरी र धरानकाे सीमा क्षेत्रमा चारकोसे जंगल र पानीको प्रचुर स्रोत छ । स्राेतकाे उपयाेगलाई लिएर विवाद हुँदै आएकाे छ ।