लडाकुलाई राहत दिने प्रधानमन्त्रीको निर्णय कार्यान्वयन हुँदैनः माधव नेपाल

२१ वैशाख, धनगढी । नेकपा एकीकृत समाजवाजीका अध्यक्ष माधवकुमार नेपालले प्रधानमन्त्री पुष्पकमल दाहाल प्रचण्डले पूर्व लडाकुलाई राहत दिने भनि गरेको निर्णय कार्यान्वयन नहुने बताएका छन् । उनले सरकरी ढुकुटी संकटमा रहेका बेला प्रधानमन्त्रीले यस्तो निर्णय गर्नु नै गलत भएको भन्दै अध्यक्ष नेपालले यस्तो गलत निर्णय सच्याउनुपर्ने बताएका छन् ।  

कैलालीको धनगढीमा पत्रकारहरुसाग् कुरागर्दै अध्यक्ष नेपालले सत्ता गठबनधनमा पनि अयोग्य लडाकुलाई राहात दिने कुरा नउठको बतए । आर्थिक संकटले कर्मचारीलाई समेत तलव दिन मुस्किल परेका अवस्थामा सत्ता गठबन्धनले पैसा दिनुपर्ने विषय सहमति जनाउन नसक्ने उनको भचनाइ छ । पुर्वलडाकुलाई रोजगारीका लागि ऋण दिन भने सकिउने उनले बताए । 

नेपालले माओवादीका पूर्व अयोग्य लडाकुलाई पैसा दिनुभन्दा ऋण दिन उपयुक्त हुने र यसमा सबैको सल्लाह अनुसार जान सकिने बताए । लडाकुलाई दुई लाख रुपैयाँ दिने भनी सरकारले गरेको निर्णय सतप्रतिसत गलत हुने भन्दै उनले रोजगारी प्राप्त हुनेगरी ऋण दिने व्यवस्था गरिनुपर्ने बताए । राहतका नाममा रकम बाड्ने कुरा सम्भव नहुने नेपालको भनाइ छ । 

मुलुक आर्थिक संकटले गुज्रिरहेका बेला सरकारले अयोग्य लडाकुलाई पैसा दिनेगरी गरेको निर्णय कार्यान्वयन गर्न नहुने उनको तर्क छ । यसबारे आफूले प्रधानमन्त्रीसँग कुरा गर्दा नयाँ नभएर पहिलेकै निर्णय कार्यान्वयन गरेको जवाफ आएको उनको बताए । अध्यक्ष नेपालले मुलुकले पछिल्लो समय व्यहोरिरहेको आर्थिक संकटबारे गठबन्धनमा आवद्ध दलहरु गम्भीर भएको दाबीसमेत गरे ।

‘अर्थतन्त्रको अवस्था कसरी सुधार गर्ने भन्नेबारेमा हाम्राबीचमा गम्भीर रुपमा छलफल भइराखेकै छन्,’ नेपालले भने, ‘नयाँ ढंगले सोच्नुपर्ने भएको छ । कम खर्च कसरी गर्ने, अनावश्यक खर्च नियन्त्रण गर्ने, अनावश्यक परियोजना सबै रोक्नुपर्छ । पैसा बाँड्ने होइन उत्पादनमुखी क्षेत्रमा लगाउनुपर्छ ।’

अर्काे ए प्रसंगमा उनले नेपालले पूराना राजनीतिक दल सच्चिनु पर्ने बताए । नयाँ दलले पनि फुरुङ्ग भइहाल्न नहुने उनको भनाइ छ । ‘हामी पुराना दलहरु सच्चिनु पर्छ । नयाँ भनेर पनि फुरुङ्ग हुनुहुँदैन,’ नेपालले भने, ‘विगतमा भएका कमी कमजोरी सच्याएर अगाडि बढ्नुपर्छ ।’