रास्वपाका सांसद विपक्षीको कुर्सीमा, बोल्न नदिइएको भन्दै बैठक अवरुद्ध

२४ वैशाख, काठमाडौं । राष्ट्रिय स्वतन्त्र पार्टी (रास्वपा)का सांसदहरु आइतबार सदनको विपक्षीको कुर्सीमा बसेका छन् । शुक्रबार पार्टीको केन्द्रीय समितिको बैठकले सरकारलाई दिएको समर्थन फिर्ता लिने निर्णय गरेको थियो । 

निर्णयपछि आजको प्रतिनिधिसभाको बजेट अधिवेशनअन्तर्गतको पहिलो बैठकमा रास्वपाका २१ सांसद प्रमुख प्रतिपक्षी एमालेसँगैको कुर्सी लाइनमा बसेका छन् ।

अहिले बैठकमा सभामुखले शुन्य समयमा बोल्ने समय सकिएको जानकारी दिएपछि सांसदहरुले बोल्न पाउनुपर्ने माग गर्दै विपक्षी लगायत सत्तारुढ दलका सांसदहरुले उठेर विरोध गरेका छन् । सभामुख देवराज घिमिरेले कार्यसूचीअनुसार बैठक संचालनका सहयोग गर्न सांसदहरुलाई आग्रह गरिरहेका छन् ।

बैठकमा केही सांसदहरुले समसामयिक विषयमा बालेका थिए ।