जनमत पार्टीको केन्द्रीय समिति बैठक जेठ १२ गते

९ जेठ, काठमाडौं । उपेन्द्र याद नेतृत्वको जसपासँगको सम्बन्धमा दरार बढ्दै गर्दा जनमत पार्टीले केन्द्रीय समितिको बैठक आह्वान गरेको छ । सिके राउत नेतृत्वको जनमतले १२ जेठमा बस्ने गरी केन्द्रीय समितिको बैठक बोलाएको हो । 

बैठकमा समसामयिक राजनीतिक विषयसँगै पार्टी सङ्गठन विस्तार तथा सुदृढीकरणलगायतका विषयमा छलफल हुने पार्टीले जनाएको छ । तराइ क्षेत्रकाे राजनीतिमा राउत यादवबीच प्रतिष्ठाकाे लडाइँ चलेकाे छ ।

जनमत केन्द्र सरकारलाई समर्थन गरेपनि सरकारमा सहभागी छैन । मधेश प्रदेश सरकारमा भने एक मन्त्रालय लिएर सरकारमा जाने निश्चित भइसकेको छ ।