नेकपाको केन्द्रीय समितिको बैठक शिवगढीमा सुरु

११ जेठ, काठमाडौं । नेपाल कम्युनिष्ट पार्टी (नेकपा)को नवौं केन्द्रीय समितिको बैठक पार्टीको केन्द्रीय कार्यालयमा सुरु भएको छ । कपिलवस्तुको केन्द्रीय कार्यालय शिबगढीमा आज बिहान सुरु भएको हो । 

कर्णजित बुढा ‘सुशिल’ नेतृत्वको पार्टीसँग एकतापछि बसेको यो पहिलो बैठक हो । बैठकलाई एकताको बिशेष बैठक’ नाम दिइएको छ । बैठमा महासचिव नेत्रविक्रम चन्द ‘विप्लव’ले ‘क्रान्तिकारीबीचको एकतालाई अगाडि बढाऊ, एकीकृत जनक्रान्तिलाई सुदृढ गेरौं’ शीर्षकको १० पृष्ठ लामो राजनीतिक प्रतिवेदन प्रस्तुत गरेका छन् ।

यसअघि बुधबार नेकपाको स्थायी र पोलिटब्यूरो कमिटी बैठक बसेको थियो । नेकपामा महासचिव पद शीर्ष मानिएको छ । केन्द्रीय समितिको बैठकमा पार्टी  एकताकाे अनुमाेदन तथा मुलुकको राजनीतिक घटनाक्रम र पार्टीको आगामी कार्यक्रमबारे निर्णय लिने बैठकमा सहभागी नेताहरुले बताएका छन् । बैठक ३ दिनसम्म चल्ने बताइएको छ ।

प्रचण्ड र वैद्यबाट अलग भई २०७३ मा पुनर्गठित नेकपाले वर्तमान व्यवस्थालाई अस्वीकार गर्दै आइरहेको छ । उसले वर्तमान संसदीय व्यवस्थालाई  ‘दलाल पूँजवादी संसदीय व्यवस्था’को संज्ञा दिँदै यसलाई विस्थापित गरी वैज्ञानिक समाजवाद स्थापनाका लागि संघर्ष गर्दै आइरहेको छ