प्रधानन्यायाधीशमा हरिकृष्ण कार्की नियुक्त, शपथ साँझ ५ बजे

१ असार, काठमाडौं । हरिकृष्ण कार्की प्रधानन्यायाधीश नियुक्त भएका छन् । उनलाई राष्ट्रपति रामचन्द्र पौडेलले प्रधानन्यायाधीशमा  नियुक्त गरेका हुन् । कार्कीको शपथग्रहण आजै अपरान्ह सवा ५ बजे हुने राष्ट्रपतिको कार्यालयले जनाएको छ । 

संसदीय समितिले अनुमोदन गरेका व्यक्तिलाई राष्ट्रपतिले प्रधानन्यायाधीश पदमा नियुक्ति दिने व्यवस्था अनुसार उनलाई प्रधानन्यायाधीश नियुक्त गरिएको हो । राष्ट्रपति रामचन्द्र पौडेलका प्रेस सल्लहकार किरण पोखरेलका अनुसार कार्कीको शपथ शुक्रबार सवा ५ बजे राखिएको बताए । 

प्रधानन्यायाधीशको शपथमा सहभागी हुन प्रधानमन्त्रीसहित संवैधानिक निकाय प्रमुख लगायतलाई बोलाइएको पोखरेलले नेपालबहसलाई जानकारी दिए । आठ महिनायता कायम मुकायम प्रधानन्यायाधीशको जिम्मेवारीमा रहेका कार्की आगामी साउन २० गते सेवा निवृत्त हुँदैछन् ।