राम बेगर नेपाल र सीता बेगर भारत अपूर्ण: मन्त्री किराँती

५ असार, काठमाडौं । संस्कृति, पर्यटन तथा नागरिक उड्डयनमन्त्री सुदन किराँतीले नेपाल र भारतबीचको सम्बन्धलाई अझै प्रगाढ बनाउनु पर्ने बताएका छन् । मंगलबार लुम्बिनीमा आायेजित योग दिवसको अवसरमा आयोजित कार्यक्रमलाई सम्बोधन गर्दै उनले राम बिना नेपाल र सीता बिना भारत अधुरो हुने बताए ।

मन्त्री किराँतीले २३ सय वर्ष अघिदेखि नेपाल र भारतबीचको सम्बन्ध प्रगाढ रुपमा रहेको उल्लेख गरे । उनले कौटिल्यशास्त्रमा आधारित कुरा गर्ने हो भने पनि नेपालको ऊन, नेपालको छाला भारत निर्यात गरेको कुरा सत्य भएको बताए । 

पछिल्लो समयमा नेपाल सरकारबाट प्रधानमन्त्रीको भारत भ्रमणले इतिहासदेखिको सम्बन्ध पुनः स्थापित गरेको र यो सम्बन्धलाई अझै प्रगाढ बनाउन दुई देशबीच आपसी सम्बन्ध सुधारका विभिन्न आयामहरुमा छलफल भइरहेकने बताए । 

उनले नेपाल आउने महेन्द्रनगरको हवाई रुट र भैरहवामा उडान सञ्चालनको कुरा सकारात्मक ढंगले अघि बढिरहेको बताए ।