जसपाकाे केन्द्रीय कार्यकारिणी समितिको बैठक भाेलि बस्ने

६ असार, काठमाडौं। सत्तारुढ घटक जनता समाजवादी पार्टी, नेपाल (जसपा)ले  केन्द्रीय कार्यकारिणी समितिको बैठक बोलाएको छ ।

यही असार ७ गते बिहीबार बिहान साढे ११ बजे पार्टी केन्द्रीय कार्यालय बालकुमारीमा बस्ने गरी बैठक बालाइएको हो । 

बैठकमा विधान अधिवेशनको तयारी र असार ९ गतेको केन्द्रीय समितिको बैठकका कार्यसूची तय गर्ने तथा  समसामयिक राजनीति लगायतका विषयमा छलफल गरिने जनाइएको छ ।

केन्द्रीय कार्यकारिणी समितिको बैठक बोलाएको जानकारी पार्टीका प्रचार विभाग प्रमुख पूर्ण बस्नेतले जानकारी दिए ।  जसपा सोमबार घोषणा गरिएको समाजवादी मोर्चा नेपालमा सामेल भएपछि पहिलो बैठक हो ।