आज सुकेको खुर्सानीको मूल्य प्रतिकेजी ४५० रूपैयाँ, अन्यको कति ?

११  असार, काठमाडौं ।  कालिमाटी फलफूल तथा तरकारी बजार विकास समितिले आजको मूल्य सूची सार्वजनिक गरेको छ । 

जसअनुसार टाटे सिमी प्रतिकेजी न्यूनतम् मूल्य ९०, भारतीय प्याज सुकेको प्रतिकेजी मूल्य ४४, घिउ सिमी लोकल ८०, कुरीलो प्रतिकेजी २००, काउली स्थानिय प्रतिकेजी ७० रुपैयाँ , आलु रातो ४२, नेपाली गोलभेडा ठूलो ४०, टनेल गोलभेडा सानो ९, लौका ७० कायम भइ कारोबार भइरहेको छ ।

त्यसैगरी डल्लेच्याउ प्रतिकेजी ३०० रूपैयाँ , ब्रोकाउली ८०, कागती १५० रूपैयाँ,तोरीको साग  रू ४०, न्यूरो ७० रूपैयाँ, रातो बन्दा प्रतिकेजी ६० रूपैयाँ ,लोकल काक्रो ६०, गुन्दुक २५०, अदुवा प्रतिकेजी ३०० रहेको समितिले जनाएको छ ।

यस्तै, मालदह आँप ६०, हरियो धनिया ८०, लोकल लीच्ची १२०, खुर्सानी सुकेको ४५०, लसुन १४०, चाइनिज लसुन २१०, छ्यापी सुकेको १३० मा कारोबार भइरहेको छ ।

 समितिका अनुसार केरा दर्जन १२०, अनार ४०० रूपैयाँ, किवि.८०० रूपैयाँ, अंगुर कालो ५८०, हरियो खुर्सानी अकबरे १२० रूपैयाँ, रहु माछा ३१५, ताजा माछा (मुंगरी) ३२० रूपैयाँ कायम भइ खरिद बिक्री भइरहेको समितिले जनाएको छ ।