रास्वपाका सभापति लामिछानेविरुद्धको रिट संवैधानिक इजलासमा

१३ असार, काठमाडौं । राष्ट्रिय स्वतन्त्र पार्टी ( रास्वपा) का सभापति रवि लामिछानेको सांसद पदको योग्यतासम्बन्धी रिट सर्वोच्च अदालतको संवैधानिक इजलासमा परेको छ । उनले दोस्रो पटक नागरिकता लिँदा पनि रित नपुगेको भन्दै युवराज पौडेल सफलले दायर गरेको रिट पहिलोपटक संवैधानिक इजलासमा परेको हो । 

यसअघि, एकल र संयुक्त इजलासमा सुनुवाइ भएको थियो । उक्त रिटमा लामिछानले पुनः लिएको नागरिकता समेत प्रक्रिया र कानुनसंगत नभएको रिटमा दावी गरिएको छ । संवैधानिक इजलानसमा प्रधानन्यायाधीश हरिकृष्ण कार्की न्यायाधीशहरु विश्वम्भरप्रसाद श्रेष्ठ, डा. आनन्दमोहन भट्टराई, प्रकाशमानसिंह राउत र सपनाप्रधान मल्ल रहेका छन् ।