बजेटको पक्षमा मतदान गर्न जसपाले लगायाे सांसदहरूलाई ह्वीप

१३ असार, काठमाडौं । सत्तारुढ दल जनता समाजवादी पार्टी (जसपा) नेपालले पनि सरकारले ल्याएकोा आगामी आर्थिक वर्ष २०८०/२०८१ को बजेटको पक्षमा मतदान गर्न सांसदहरूलाई ह्वीप जारी गरेको छ ।

बुधबार पार्टी संसदीय दलको कार्यालय सिंहदरबारमा बसेको बैठकले बजेटको पक्षमा मतदान गर्ने र त्यसका लागि ह्वीप जारी गरेको जसपाका प्रमुख सचेतक प्रदीप यादवले जानकारी दिए ।

यसअघि नै नेपाली कांग्रेस, माओवादी केन्द्र र एकीकृत समाजावादी पार्टीले बजेट पास गर्न आफ्ना सांसदहरुलाई ह्वीप जारी गरिसकेका छन् । सत्ता पक्षीय दल लोकतान्त्रिक समाजवादी पार्टी (लोसपा) र नागरिक उन्मुक्ति पार्टी (नाउपा)ले पनि आफ्ना सांसदहरूलाई बजेटको पक्षमा मतदान गर्न निर्देशन दिइसकेका छन् ।