हेटौंडाको नवलपुरमा भएको बस दुर्घटनामा ५० यात्रु घाइते

१५ असार, काठमाडौं । मकवानपुर सदरमुकाम हेटौंडामा आज दिउँसो भएको यात्रुवाहक बस दुर्घटना हुँदा ५ण् जना घाइते भएका छन् ।

दिउँसो करिब २ बजे चितवनबाट जनकपुर जाँदै गरेको ना ६ ख ९८०४ नम्बरको बस हेटौंडा उपमहानगरपालिका–११ नवलपुरमा दुर्घटना भएको हो ।

दुर्घटनामा ५० जना घाइते भएको र उनीहरुको उपचार भइरहेको मकवान प्रहरीले जनाएको छ । घाइतेहरुको जिल्ला प्रहरी कार्यालय मकवानपुरले उद्धार गरी हेटौंडा अस्पातल र चुरेहिल अस्पाताल पठाइएको जिल्ला प्रहरी कार्यालयका प्रमुखप्रहरी उपरीक्षक (एसपी) बामदेव गौतमले जानकारी दिए । घाइतेमध्ये केही अवस्था गम्भीर रहेको उनले बताए ।

सडक मर्मतको काम भइरहेको क्षेत्रमा बस चिप्लिएर अनियन्त्रित भएका कारण दुर्घटना परेकाे हुन सक्ने प्रहरीकाे अनुमान छ । बस सडकबाट करिब २० मितर तल खसेको प्रहरीले जनाएको छ ।