युवापुस्ताको कथा र व्यथामा बनेको नाटक [ फाेटाेफिचर ]

♦ मनिष अर्याल

२० असार, काठमाडौं । कौशी थिएटरमा अहिले युवापुस्ताको कथा र व्यथामा बनेको नाटक मञ्चन भइरहेको छ । एक हुल युवाहरू आफ्नो जीवनीको फ्रस्टेटन, नाच र सङ्गित मार्फत दर्शकको मन जितिरहेका छन् । 

हुन त त्यो नाटकको कथा हामीहरुसङ्गै जोडिन आउँछ अझ बढि युवा पुस्ता सङ्ग जोडिएको छ । नाटक सुरु हुन्छ एक हुल युवा देशमा के गर्ने भनेर कसैको के कुरा कसैको के कुरा सबैको कुरा मिलाउँदा सङ्क्षिप्तमा फ्रस्टेसन र बेरोजगारी सङ्ग जोडिन्छ । सबैको आफ्नो आफ्नो सोच हुन्छ, आफ्नो आफ्नो बाटो हुन्छ तर कोही कतै सफल भएको देखिँदैन । 

नाटक नाच र सङ्गीतले अझ सुनमा सुगन्ध दिएको छ । बिहान उठेर नित्य कर्म गरेर सबै आफ्नो आफ्नो गन्तव्यमा लागेको देखिन्छ , काठमाडौं कै कथा सङ्ग जोडेर युवाको अवस्था दैनिकी र पिडा देखाइएको छ । कसैको दिन लाइनमा बित्छ, कसैको चुरोट खाएर, कसैको कुरा काटेर त कसैको जागिर खोज्दा खोज्दा । हो यस्तै कथाहरू जोडेर लेट्स अभिनय गरौँ सिर्जना भएको निर्देशक तथा रङ्गकर्मी सुदाम सिके बताउँछन् ।

कौशीका युवाहरू पनि नाटक नै हाम्रो वास्तविकता हो हामीले नाटकलाई देखाएको मात्र हो तर हामी पनि यही जीवन नै चल्ने हो बताउँछन् कलाकारहरू । नाटकलाई मन पराएर दोहोरिएर हेर्न आएको पनि पायौ भन्छिन् कलाकार बिनिता लामा गुरुङ । 

कौशी थिएटरमा मञ्चन भएको यो नाटक असार ६ गतेदेखि १७ गतेसम्म देखाइएकोलाइ दर्शकको अझ माग भएर थप ६ वटा शो मञ्चन गरिने निर्देशक सुदाम सिके बताउँछन् । थप हेर्न र बुझ्न कौशीमै गएर आफ्नो कथा सङ्ग जोडिएको बेथा पीडा सुख सबै समेटिने गरिको समय छुट्याउनु पर्ने हुन्छ ।