माेरङमा घुस रकमसहित लेखा अधिकृत पक्राउ

२४ असार, काठमाडौं । मोरङ जिल्लाको सुन्दरहरैचा नगरपालिकाका लेखा अधिकृत शेखर ढकाल घुस रकमसहित पक्राउ परेका छन् । ढकालले नगरपालिका तथा वडा कार्यालयहरुमा भएको मर्मत सम्भारको भुक्तानी दिने क्रममा सेवाग्राहीसँग लिएको घुस रकमसहित पक्राउ गरिएको अख्तियार दुरुपयोग अनुसन्धान आयोगले जनाएको छ । 

विशेष सूचनाका आधारमा आयोगको कार्यालय, इटहरीबाट खटिई गएको टोलीले सेवाग्राहीबाट दुई लाख रुपैयाँ घुस र रिसवत लिइसकेको अवस्थामा उक्त रकमसहित नगरपालिकाको कार्यालयबाट आइतबार पक्राउ गरेको जनाइएको छ । ढकालमाथि आवश्यक अनुसन्धान भइरहेको कार्यालये जनजाएको छ ।