पाँच विदेशी नागरिक र एक चालकसहित उडेको मनाङ एयरको हेलिकप्टर लामाजुरामा दुर्घटना भएको आशंका

२६ असार, काठमाडौं । सोलुखुम्बुमा दुर्घटना भएको मनाङ एअरको हेलिकप्टरमा सवार पाँच जना यात्रु विदेश नागरिक भएको खुलेको छ । हेलिकप्टरमा सवार सबै मेक्सिकन नागरिक भएको मनाङ एअरका प्रबन्धक राजु न्यौपानेले जानकारी दिए । 

सोलुखुम्बुको लुक्लास्थित सुर्केबाट उडेको हेलिकप्टर सोलु दुधकुण्ड नगरपालिका–२ स्थित लामाजुरा डाँडामा दुर्घटना भएको आशंक प्रहरीले  गरेको छ । लामाजुरा डाँडामा हेलिकप्टर दुर्घटना भएको सूचनाको आधारमा त्यसतर्फ प्रहरी परिचालन गरिएको कोशी प्रदेश प्रहरीले जनाकारी दिएको न्यौपानेले जानकारी दिए ।  

मनाङ एयरको ९–एन–एमभी कलसाइन भएको हेलिकप्टर १० बजेर १० मिनेटमा सुर्केबाट उडेको थियो । काठमाडौँको लागि उडेको केही मिनेटमा हेलिकप्टर सम्पर्क विहीन भएको छ । अहिले प्रहरी चौकीबाट साढे २ घण्टाको दुरीमा रहेको लामाजुरा तर्फ लगेको बताइएको छ ।