मन्त्रीलाई धम्क्याएपछि दरबन्दी अनुसार खटाएको ठाउँमा जान पर्दैन भन्ने भ्रम नपाल्नूः स्वास्थ्य मन्त्री

 २८ असार, काठमाडौं । स्वास्थ्य तथा जनसंख्यामन्त्री मोहनबहादुर बस्नेतले स्वास्थ्य मन्त्रालय मातहका डाक्टर र कर्मचारीको दरबन्दी अनुसार सरुवा व्यवस्थापन गर्दा पनि आफू विभिन्न ठाउँबाट धम्की आउने गरेको बताएका छन् । उनले मन्त्रीलाई धम्क्याएपछि ताकिएको क्षेत्रमा जानु पर्दैन भन्ने भ्रम नपाल्न पनि उनले चेतावनी दिएका छन् । 

बिहीबार राष्ट्रियसभा बैठकमा आगामी आर्थिक वर्षको विनियोजित बजेट माथि सांसदहरूले उठाएका प्रश्नको जवाफ दिने क्रममा उनले सचिवालय मार्फत दैनिक धेरै धम्की आउने गरेको बताए । पछिल्लो विवादास्पद अभिव्यक्तिबारे बिहीबार राष्ट्रियसभा बैठकमा स्पष्टीकरण दिएका उनले यसैले पनि खटाइएको ठाउँमा नजाने कर्मचारीका सम्बन्धमा आफू आक्रामक रूपमा प्रस्तुत हुनुपरेको बताए । 

उनले भने, पटक–पटक जनताको सेवाका लागि सरुवा गरिएको स्थानमा जानभन्दा एकजनाले नजाने, बरु मन्त्रालयमा झुन्डिएर मर्ने धम्की दिएछन् । केही नलागेपछि अन्तिममा आएर झुन्डिएर मर्छु भन्दाखेरि पठाइदेऊ न त मकहाँ झुन्डिन आफूले भन्नु परेका उनले बताए । बस्नेतले दरबन्दी अनुसार डाक्टरहरू व्यवस्थापन गर्दा सचिवालयमा धेरै धम्की आउन थालेको बताए । 

उनले दरबन्दी अनुसारको डाक्टरहरू व्यवस्थापन गर्ने काम पार लगाएरै  छोड्ने बताए । स्वास्थ्य मन्त्री बस्नेतले संविधानलाई कार्यान्वयन गरी आधारभूत स्वास्थ्य सेवा ग्रामीण स्तरसम्म स्वास्थ्यकर्मीहरूको पहुँच नभएको स्थानमा पु¥याएर नै छोड्ने बताए । उनले ८ सय डाक्टरहरू मन्त्रीहरूको पालामा कागमा स्वास्थ्य मन्त्रालय बसेको भन्दै त्यसमा दरबन्दी अनुसारको क्षेत्रमा पठाउने काम गर्ने बताए । 

उनले ८ सय डाक्टरको दरबन्दी अनुसारको क्षेत्रमा पठाउन नसके स्वास्थ्य मन्त्रालय सुधार हुने अवस्था नभएको बताए । कर्मचारी व्यवस्थापनमा अलिअलि मिलाएको भरमा मिल्ने अवस्था नभएको भन्दै यसलाई अप्रेसन नै गर्नुपर्ने उनले बताए । मन्त्री बस्नेतले सबै डाक्टरहरूलाई राजधानी मात्रै चाहिएको अवस्था रहेको बताए । उनले दरबन्दी अनुसार व्यवस्थापन गर्न खोज्दा आत्महत्या गर्नेसम्म विषयहरू आएको बताए ।