केन्द्रीय समिति बैठकका एजेन्डाबारे कोइराला समूहमा छलफल, आजै पदाधिकारी बैठकमा राख्ने
नेपालबहस संवाददाता
साउन १, २०८० सोमबार ११:२४:१५
१ साउन, काठमाडौं । नेपाली कांग्रेसको केन्द्रीय समिति बैठक मंगलबार बस्दैछ । मंगलबार बस्ने बैठकका लागि आज बस्ने पदाधिकारी बैठकले एजेन्डा तय गर्ने छ । अहिले कांग्रेसले के एजेण्डमा छलफल गर्छ भन्ने चासो पनि सबैतिर देखिएको छ ।
केन्द्रीय समितिको बैठकमा कस्ता एजेण्डाहरू बनाउने भन्ने बारे कांग्रेसको कोइराला समूहले पनि आज छलफल गरेको छ । नेता शेखर कोइरालाको सम्पर्क कार्यालयमा सोमबार बिहान एजेण्डाबारे छलफल भएको हो । यो छलफलले तयार गरेका एजेण्डा दिउँसो २ बजे बस्ने पदाधिकारी बैठकमा पनि पेस गरिने भएको छ ।
काठमाडौंको विशालनगर स्थित कोइरालाको सम्पर्क कार्यालयमा बिहान नेताहरूबीच भएको छलफलमा नक्कली शरणार्थी प्रकरणको पुर्पक्षका लागि जेलमा रहेका नेता तथा पूर्वगृहमन्त्री बालकृष्ण खाँणको निलम्बनको विषय उठाइनुपर्ने र यसलाई पहिले एजेण्डा बनाउने सहमति भएको छ । यस्तै नीति महाधिवेशन, केन्द्रीय समिति विस्तार लगायतका विषयलाई एजेण्डा बनाउने सहमति भएको छ ।
केन्द्रीय समितिको बैठकका एजेन्डाबारे छलफल गर्न पार्टी सभापति शेरबहादुर देउवाले आज दिउँसो बोलाएको बैठकमा कसरी प्रस्तुत हुने भन्ने बारे छलफल केन्द्रित रहेको एक नेताले बताए । केन्द्रीय समिति बैठकका एजेन्डाबारे छलफल गर्न कांग्रेस सभापति देउवाले आज दिउँसो दुई बजे आफ्नो निवास धुम्बाराहीमा पदाधिकारी र पूर्व पदाधिकारीको संयुक्त बैठक बोलाएका छन् । यो बैठकले मंगलबार (साउन २ गते) बस्ने केन्द्रीय समितिको बैठकका एजेन्डा तय गर्ने नेताहरूले बताएका छन् ।
सोही बैठकमा कसरी प्रस्तुत हुने र कुन–कुन विषयलाई एजेन्डा बनाउने भन्ने बारे शेखर समूहले साझा धारणा बनाउन लागेको हो । नेपाली कांग्रेसको केन्द्रीय समितिको बैठक गत असार २७ गते बस्ने तयारी गरिए पनि तयारी नपुगेको भन्दै साउन २ गतेसम्मका लागि स्थगित गरिएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपढोरवाराही मन्दिरको प्रवर्द्धनमा सरकारले सहयोग गर्छ: पर्यटमन्त्री पाण्डे
असोज १८, २०८१ शुक्रबार
मन्त्रिपरिषद्को बैठक सिंहदरबारमा सुरु
असोज १८, २०८१ शुक्रबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
नेपालबहस संवाददाता
असोज १८, २०८१ शुक्रबार
के हो इजरायलको एन्टी मिसाइल डिफेन्स सिस्टम ?
नेपालबहस संवाददाता
असोज १६, २०८१ बुधबार
राज्यसंयन्त्रमा कमजोरीः प्रधानमन्त्रीले तीन मन्त्री र मुख्यसचिवसँग किन गरे छलफल ?
असोज १८, २०८१ शुक्रबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
असोज १८, २०८१ शुक्रबार
रवि लामिछानेविरुद्ध मुग्लिनमा सहकारी पिडितले देखाए कालोझण्डा !
असोज १८, २०८१ शुक्रबार
बाढीपहिरामा परी अहिलसम्म २ सय ३९ जनाको मृत्यु
असोज १९, २०८१ शनिबार
महिला टी-२० विश्वकप: भारतमाथि न्यूजील्याण्डको शानदार जित
असोज १९, २०८१ शनिबार
महिला भलिबल लिगको फाइनलमा कर्णाली र ललितपुर भिड्ने
असोज १९, २०८१ शनिबार
नेपालले कार्बन बिक्रीबाट प्राप्त गर्दैछ रु एक अर्ब ६० करोड
असोज १९, २०८१ शनिबार
कति छ आजका लागि विदेशी मुद्राको विनिमय दर ?
असोज १९, २०८१ शनिबार