साउन महिना सुरु भएसँगै हरियो-पहेँलो पोते र मेहेन्दी ! [ फोटोफिचर ]

१ साउन, काठमाडौं । हिन्दु महिलाहरू साउन महिना सुरु भएपछि हातमा मेहेन्दी र गलामा हरियो पोते लगाउने गर्दछन् । भगवान् शिवको महिना मानेर शिवको आराधना गरिने श्रावण महिनाभर हातमा मेहेन्दी लगाउनुका साथै विवाहित महिलाहरूले रातो, हरियो र पहेँलो चुरा अनि पोते लगाउँछन् भने अविवाहितहरूले हरियो र पहेँलो चुरा लगाउने गर्दछन् ।

विवाहित महिलाले हरियो-पहेँलो पोते र मेहेन्दी लगायो भने श्रीमानको दीर्घायु हुन्छ भन्ने धार्मिक विश्वास रहीआएको छ । यसैगरी अविवाहितहरूले भने शिवजस्तै पति पाउँ भनेर श्रावणको सोमबार व्रत बस्ने गर्दछन् । महिलाहरूमा मेहेन्दी जति गाढा बस्यो त्यति नै पतिको माया पाइन्छ भन्ने विश्वास पनि रही आएको छ।

काठमाडौँ न्यूरोडको विशाल बजार क्षेत्र र इन्द्रचोकमा रहेका पोते पसलमा महिलाहरूको भिड लाग्ने गर्दछ । सडक छेउछाउ मेहेन्दी लगाइदिनेहरू भेटिन्छन् ।