केन्द्रीय समितिको बैठकमा आफ्नो धेरै आलोचना हुने देखेपछि सभापति देउवाले गरे प्रत्यक्ष प्रशारणको प्रस्ताव
नेपालबहस संवाददाता
साउन १, २०८० सोमबार १७:५७:२४
१ साउन, काठमाडौ । नेपाली कांग्रेसले भोलिदेखि सुरु हुने केन्द्रीय समितिको बैठकमा पेस हुने एजेन्डाबारे छलफल गरेको छ । सोमबार सभापति देउवा निवास धुम्बाराहीमा बसेको पदाधिकारी तथा पूर्वपदाधिकारी बैठकमा एजेन्डाबारे छलफल भएको हो । तर, अझै कुन कुन एजेण्डालाई बैठकमा प्राथमिकता दिने भन्ने टुंगो भने नलागेको बताइएको छ ।
एजेण्डालाई अन्तिम रुप दिन भोलि मंगलबार बिहान पनि धुम्बाराहीमा पुनः छलफल हुनेछ । आजको बैठकमा केन्द्रीय समितिको बैठकमा उठाउनुपर्ने भन्दै धेरै एजेन्डा आएपछि सभापति शेरबहादुर देउवाले बैठकको प्रत्यक्ष प्रसारण गरौँ भन्ने प्रस्ताव गरेका थिए । सभापति देउवाले प्रस्ताव गरेपनि प्रत्यक्ष प्रसारण गर्ने कि नगर्ने भन्ने निर्णय भएको छैन ।
प्रत्यक्ष प्रशारण गर्दा त्यसमा आउने प्राविधिक समस्या के कस्ता हुने भन्ने विषयमा केहीबेर चर्चा भएको थियो । लामो समयपछि केन्द्रीय समितिको बैठक बस्न लागेकाले नेतृत्वप्रति धेरै आलोचना हुने अनुमान सभापति देउवाको छ । यसैले उनले प्रत्यक्ष प्रसारणको प्रस्ताव गरेका हुन् । प्रत्यक्ष प्रसारण भएमा बोल्ने केन्द्रीय सदस्यहरूले धेरै आलोचना गर्न पाउँदैनन् ।
कांग्रेस मुख्यसचिव कृष्णप्रसाद पौडेलका अनुसार भोलिको बैठक लाइभ गर्ने कि भन्ने प्रस्ताव सभापतिबाट आएको थियो । सभापति देउवाले नै बैठक प्रत्यक्ष प्रशारण गर्ने प्रस्ताव गरेपछि पदाधिकारी बैठकमा कसरी प्रत्यक्ष प्रशारण गर्ने भन्ने विषयमा लामो छलफल चलेको हो । बैठक प्रत्यक्ष प्रशारण गर्दा नेताहरूले कम र ठीक मात्रै बोल्ने कुरामा प्रश्न पनि उठाइएको थियो ।
एजेन्डा तय गर्न भनी बैठक बोलाए पनि एजेन्डा भने फाइनल भएनन् । भोलि पनि एजेन्डामा छलफल हुनेछ । बैठक सुरु हुनु अघिल्लो दिनसम्म कांग्रेसले एजेन्डा तय गर्न सकेको छैन । एक वर्षपछि कांग्रेस केन्द्रीय कार्यसमिति बैठक बस्दैछ । मुख्यसचिव कृष्णप्रसाद पौडेलका अनुसार पार्टीको केन्द्रीय समितिको बैठकमा पेस गर्ने एजेन्डाबारे आजको छलफल केन्द्रित थियो ।
साउन २ गते मंगलबार बस्ने केन्द्रीय कार्यसमिति बैठकको एजेन्डा तय हुने महामन्त्री गगन थापाले बताए । गत २७ असारमा बस्ने भनिएको कांग्रेस केन्द्रीय समितिको बैठक साउन २ सम्मका लागि स्थगित भएको थियो । शीर्ष नेताको बैठकबाट केन्द्रीय समितिको बैठकका एजेन्डा तय गरेर केन्द्रीय समिति बैठकमा पेस गर्ने कांग्रेसको तयारी छ ।
महामन्त्रीद्वयले कार्यसम्पादन समितिबाट भएका निर्णयको अनुमोदन, पार्टी सदस्यता, अनुशासन सम्बन्धी विषय, नीति महाधिवेशनको तिथि मिति, समसामयिक राजनीति लगायतका एजेन्डा बनाएका छन् । पार्टीका प्रभावशाली नेता बालकृष्ण खाँण मुछिएको नक्कली शरणार्थी प्रकरणको विषयलाई केन्द्रीय कार्यसमिति बैठकको एजेन्डा बनाउने कि, नबनाउने भन्नेमा कांग्रेसभित्र मतभेद छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपढोरवाराही मन्दिरको प्रवर्द्धनमा सरकारले सहयोग गर्छ: पर्यटमन्त्री पाण्डे
असोज १८, २०८१ शुक्रबार
मन्त्रिपरिषद्को बैठक सिंहदरबारमा सुरु
असोज १८, २०८१ शुक्रबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
नेपालबहस संवाददाता
असोज १८, २०८१ शुक्रबार
के हो इजरायलको एन्टी मिसाइल डिफेन्स सिस्टम ?
नेपालबहस संवाददाता
असोज १६, २०८१ बुधबार
राज्यसंयन्त्रमा कमजोरीः प्रधानमन्त्रीले तीन मन्त्री र मुख्यसचिवसँग किन गरे छलफल ?
असोज १८, २०८१ शुक्रबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
असोज १८, २०८१ शुक्रबार
रवि लामिछानेविरुद्ध मुग्लिनमा सहकारी पिडितले देखाए कालोझण्डा !
असोज १८, २०८१ शुक्रबार
दाउन्नेमा सडक भासियो, पूर्व–पश्चिम राजमार्ग अवरुद्ध
असोज १८, २०८१ शुक्रबार
पहिरो गएपछि मेची राजमार्ग अवरुद्ध, यातायात ठप्प
असोज १८, २०८१ शुक्रबार
बाढीपहिरोबाट क्षति भएका जिल्लाका स्थानीय तहलाई संकटग्रस्त क्षेत्र घोषणा
असोज १८, २०८१ शुक्रबार
ढोरवाराही मन्दिरको प्रवर्द्धनमा सरकारले सहयोग गर्छ: पर्यटमन्त्री पाण्डे
असोज १८, २०८१ शुक्रबार
सञ्चारमाध्यमको नाम दुरुपयोग गर्नेलाई कारबाही गर्न प्रेस काउन्सिलको सिफारिस
असोज १८, २०८१ शुक्रबार
सर्लाहीको झाझ खोलामा डुबेर बालकको मृत्यु
असोज १८, २०८१ शुक्रबार