गंगालाल अस्पतालको सञ्चालक समिति सदस्यमा डा. रवि मल्ल नियुक्त

३ साउन, काठमाडौं । शहीद गंगालाल राष्ट्रिय हृदय रोग केन्द्रको सञ्चालक समिति सदस्यमा वरिष्ठ कार्डियोलोजिष्ट डा. रवि मल्ल नियुक्त भएका छन् । 

बुधबार बिहान प्रधानमन्त्रीको सरकारी निवास बालुवाटारमा बसेको मन्त्रिपरिषद बैठकले शहीद गंगालाल राष्ट्रिय हृदय रोग केन्द्रको सञ्चालक समिति सदस्यमा वरिष्ठ कार्डियोलोजिष्ट डा. रवि मल्ललाई नियुक्त गर्ने निर्णय गरेको सरकारकी प्रवक्ता तथा सञ्चार तथा सूचना प्रविधिमन्त्री रेखा शर्माले जानकारी दिइन् । मल्ल सोही अस्पतालमा कार्यरत छन् । 

सोही बैठकले कम्पनी दर्ता र पुँजी वृद्धि गर्दा लाग्ने शुल्क तथा दस्तुरलाई छुट तथा परिमार्जनसम्बन्धी सूचना प्रकाशन गर्ने निर्णय गरेको छ ।