काठमाडौंबाट काभ्रेको धुलिखेल जाँदै गरेको बस साँगामा दुर्घटना

३ साउन, काठमाडौं । काठमाडौंबाट काभ्रेको धुलिखेल जादै गरेको बस साँगामा दुर्घटना भएको छ । काभ्रेपलाञ्चोक र भक्तपुर जिल्लाको सीमास्थित सूर्यविनायक नगरपालिका-९ स्थित साँगामा बस दुर्घटना भएको हाे ।

प्रहरीका अनुसार काठमाडौंबाट धुलिखेलतर्फ जाँदै गरेको गरेको बा ४ ख ९३९६ को बस बुधबार दिउँसो काभ्रे र भक्तपुरको सीमाना साँगाको पुलमुनि अन्दाजी २५ मिटर तल खसेको बताइएकाे छ ।

दुर्घटनाका घाइते भएका ७ जनालाई उपचारका लागि नजिकैको अस्पताल पुराइएको छ । दुर्घटनापछि घाईतेहरुको प्रहरी र स्थानीयहरुले उद्दार गरेका थिए । प्रहरीका अनुसार  घाइते भएका ७ जना मध्ये  ४ जनालाई इबमुरा अस्पताल र ३ जनाको मध्यपुर अस्पतालमा उपचार भैइरहेकाे छ ।

भक्तपुर पठाएका घाइतेहरूको हात खुट्टामा चोट लागेको भक्तपुर प्रहरीले जनाएको छ ।  घटनाको विस्तृत विवरण आउन बाँकी छ।  बसमा ३०/३५ जना सवार रहेको स्थानीयहरूले बताएका छन्।