डेंगुका कारण धरानमा ८ जनाको मृत्यु , २ हजार ३ सयभन्दा धेरैमा देखियो संक्रमण

१४ साउन, विराटनगर । कोशी प्रदेशको धरानमा डेंगुको प्रकोप फैलिएको छ । प्रकोपमा परी धरानमा ८ जनाको मृत्यु भइसकको छ भने २ हजार तीन सय ५३ जनामा डेंगुका विरामी भेटिएका छन् । 

धरान उपमहानगरपालिकाका जनस्वास्थ्य अधिकृत उमेश मेहताले ३ हजार ९८१ जनाको परीक्षण गर्दा  २ हजार ३५३ जना डेंगु संक्रमित देखिएको जानकारी दिए । उका अनुसार परीक्षण गरिएका मध्ये ५९ प्रतिशतमा डेंगु देखिएको हो । यस्तै धरानको ११, १५, १७ र १८ नम्बर वडा बढी प्रभावित छ ।

संक्रमण बढेपछि बिपी कोइराला स्वास्थ्य विज्ञान प्रतिष्ठान धरानमा १ सय ५० जनासम्म अट्ने गरी डेंगुको छुट्टै वार्ड सञ्चालन गरिएको छ । विपिमा डेंगुका लागि छुट्टै क्लनिक  पनि सञ्चालन गरिएको छ ।

डेंगु नियन्त्रणका लागि धरानमा ‘सर्च एण्ड डिस्ट्रोय’ अभियान सञ्चालन भइरहेको उनले बताए ।  धरानमा २४० वटै टोल विकास संस्थालाई  डेंगु नियन्त्रण अभियानमा प्रयोग गरिएको छ ।