जनमत पार्टीको राष्ट्रिय परिषद बैठक बुद्धनगरमा

१७ साउन, काठमाडौं । सत्तारुढ गठबन्धनका घटक जनमत पार्टीको राष्ट्रिय परिषदको बैठक बुद्धनगरस्थित एक पार्टी प्यालेसमा सुरु भएको छ । जनतमले ‘मिसन–८४’ अन्तर्गत बैठक बोलाएको पार्टीले जनाएकाे छ ।। 

बैठकमा पार्टी अध्यक्ष चन्द्रकान्त (सिके) राउतले प्रशिक्षण दिने कार्यक्रम रहेको छ । जनमतले मिसन अन्तर्गत वडा तहसम्म छलफल तथा प्रशिक्षण चलाउँदै आइरहेको छ । 

आजको बैठकमा सय भन्दा बढी नेताहरु सहभागी रहेका छन् । जनमतको केन्द्रीय समितिको बैठक यही बिहीबार बस्दैछ । पार्टीले पछिल्लोपटक दर्जन बढीलाई केन्द्रीय सदस्यमा ल्याएको छ ।

तराइ क्षेत्रमा उदयीमान रहेकाे जनमत २०८४ काे आमचुनावमा उल्लेख्य सुधारसहित राम्राे चुनावी नतिजा ल्याउने याेजनामा छ । हाल जनमतबाट प्रतिनिधिसभामा ६ सांसद छन् ।