‘जनतासँग माओवादी विशेष रूपान्तरण’ अभियान चन्द्रागिरि–२ बाट सुरू गरिने

१४ भदौ, काठमाडौं । सरकारको नेतृत्व गरिरहेको नेकपा (माओवादी केन्द्र)ले सुरु गर्न लागेको  ‘जनतासँग माओवादी विशेष रूपान्तरण’ तीन महिने अभियान चन्द्रागिरि नगरपालिका–२ बाट उद्घाटन गर्ने भएको छ । 

अभियानको उद्घाटन यही भदौ १६ गते गर्ने तय भएको माओवादी केन्द्रले जनाएको छ । उक्त वडाध्यक्ष गएको स्थानीय निर्वाचनमा माओवादी केन्द्रले जितेको थियो । अभियान प्रधानमन्त्री समेत रहेका अध्यक्ष प्रचण्डले भर्चुअल माध्यमबाट ७५३ वटै पालिकामा सम्बोधन गर्ने र त्यसपछि उद्घाटन गर्नेछन् । 

गएको साउन १७–२१ सम्म काठमाडौंको कमलादीमा सम्पन्न केन्द्रीय समिति चौथौ पूर्ण बैठकले जनतासँग पार्टीको सम्बन्ध थप सशक्त बनाउन ६ हजार ७४३ वडामा अभियान सञ्चालन गर्ने निर्णय गरेको थियो । अभियानका क्रममा प्रचण्ड देशभरका मध्ये ७ वटा वडामा अभियान चलाउन सहभागी हुनेछन् ।