युवा पुस्तालाई बीपीका योगदानबारे जानकारी दिन कांग्रेसले गर्न लागेको साहित्य महोत्सवलाई भव्य बनाइने
नेपालबहस संवाददाता
भदौ १७, २०८० आइतबार १८:२४:४१
१७ भदौ, काठमाडौं । नेपाली कांग्रेसले संस्थापक नेता बीपी कोइरालाको ११० औँ जन्म जयन्तीकाे अवसरमा आयोजना गर्ने साहित्य महोत्सवलाई भव्य बनाउने भएको छ । महोत्सवलाई भव्य रुपमा सम्पन्न गर्न पार्टीका सबै भातृ संगठनहरुलाई परिचालन गरिने भएको छ । कांग्रेसले भदौ २४ देखि २६ गतेसम्म बीपी साहित्य महोत्सव आयोजना गर्न लागेको हाे ।
आइतबार पार्टी कार्यालय सानेपामा केही पदाधिकारीसहित बसेको सूचना, सञ्चार तथा प्रचार विभागको बैठकले साहित्य महोत्सवलाई सफल बनाउन पार्टीका सबै भातृ तथा शुभेच्छुक संघसंस्थाहरू परिचालन गर्ने निर्णय गरेको छ । बैठकले गरेका निर्णय सार्वजनिक गर्न भोलि सोमबार दिउँसो ३ बजे पत्रकार सम्मेलनको आयोजना समेत गरिँदैछ ।
यो कुनै पनि राजनीतिक दलले यसरी गर्न लागेको महोत्सव पहिलो रहेको र ऐंतिहासिक महोत्सव हुने साहित्य महोत्सवका संयोजक एवं नेपाली कांग्रेसका सहमहामन्त्री डा. बद्री पाण्डेले बताए । महोत्सवमा साहित्य लगायत विभिन्न क्षेत्रका विज्ञहरुबीच दैनिक ४ वटा सेसन हुने संयोजक पाण्डेको भनाइ छ ।
महोत्सवमा बीपी कोइरालाको साहित्यप्रति रुचि, उनको जीवन, दर्शन र नारी प्रतिको दृष्टिकोण समेत चित्रण गरिनेछ । यसलाई सफल बनाउन पार्टीका युवा परिचालन हुनेछन् । बीपीको योगदानबारे युवा पुस्तालाई जानकारी दिन साहित्य महोत्सवले महत्वपूर्ण भूमिका खेल्ने पाण्डेले बताए ।
महोत्सवमा वृत्तचित्र, कला तथा विभिन्न प्रकारका चित्रहरूको समेत प्रदर्शनी पनि रहनेछ । यस अवसरमा हेल्थ डेस्क, बुक स्टल, टिसर्ट, ब्याच समेतको प्रदर्शनी र बिक्री वितरण गरिनेछ । महोत्सवमा सेल्फी पोइन्ट, ऐतिहासिक चित्र प्रदर्शनी समेत गरिनेछ । आयोजकले ३ दिनमा १५ हजारभन्दा बढीको सहभागिता रहने जनाएको छ ।
महोत्सव तयारीका बारेमा आज आइतबार पार्टी कार्यालय सानेपामा आयोजक समिति र सूचना, सञ्चार तथा प्रचार विभागबीच छलफल गरिएको थियो । आयोजक समितिका संयोजक पार्टीका महामन्त्री विश्वप्रकाश शर्माले महोत्सवको तयारीका बारेमा जानकारी गराएका थिए । यस्तै, प्रचार विभागका प्रमुख मीन विश्वकर्माले महोत्सवको तयारीमा जुट्न आग्रह गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगृहमन्त्री लामिछाने र महान्यायाधिवक्ता पोखरेलविरुद्ध रिटको पेसी आज
जेठ १६, २०८१ बुधबार
एमालेको राष्ट्रिय महिला भेला आजदेखि
जेठ १६, २०८१ बुधबार
प्रतिनिधि सभाले बनायो सूर्य थापाको संयोजकत्वमा सहकारी ठगी छानबिनको संसदीय समिति
जेठ १५, २०८१ मंगलबार
सीमा सुरक्षा प्रहरी चौकी
नेपालबहस संवाददाता
जेठ १४, २०८१ सोमबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
लण्डनमा नेपाली दाजुभाइको 'स्क्वीज्ड' नामको नयाँ रेष्टुरेन्ट संचालनमा
जेठ १५, २०८१ मंगलबार
इजरायलको राफाह आक्रमणपछि राष्ट्रसंघीय सुरक्षा परिषद्को आपतकालीन बैठक बोलाइयो
जेठ १५, २०८१ मंगलबार
तपाईको आजको राशीफल कस्तो छ ?
जेठ १६, २०८१ बुधबार
आफ्नै ठुलीआमालाई हत्या गरेको अभियोगमा पक्राउ
जेठ १६, २०८१ बुधबार
उत्तर कोरियाबाट फोहोरले भरिएका बेलुन दक्षिणतर्फ पठाइएको दावी
जेठ १६, २०८१ बुधबार
जापानका अनुसन्धानकर्ताद्वारा विश्वको पहिलो काठको उपग्रह निर्माण
जेठ १६, २०८१ बुधबार
गण्डकीको मुख्यमन्त्रीमा कांग्रेस संसदीय दलका नेता पाण्डे नियुक्त
जेठ १६, २०८१ बुधबार
क्रिकेटर सन्दीप लामिछानेलाई भिसा दिन दवावका लागि अमेरिकन राजदूतावासतिर लागे युवा
जेठ १६, २०८१ बुधबार