मागपत्र प्रमाणीकरण नहुँदा ४० हजार नेपाली युरोप जानबाट रोकिए, राजदूतसँग छलफल हुँदै
नेपालबहस संवाददाता
भदौ १९, २०८० मंगलबार १२:१८:२६
१९ भदौ, काठमाडौं । सरकारले वैदेशिक रोजगारका क्षेत्रमा देखिएको अवसर र चुनौतीबारे सम्बन्धित देशका राजदूतलाई बोलाएर छलफल गर्ने भएको छ । श्रम, रोजगार तथा सामाजिक सुरक्षा मन्त्रालयले दिएको जानकारी अनुसार आगामी भदौ २५ देखि २७ सम्म राजगारदाता मुलुकका राजदूतसँग छलफल गर्न लागिएको हो ।
श्रम मन्त्रालयका अनुसार युरोपमा नेपाली श्रमिकको उच्च माग भएपछि श्रम मन्त्रालयले माग पत्र प्रमाणीकरणलाई सहजीकरण गर्न संशोधन गर्न बनाइएको वैदेशिक रोजगारसम्बन्धी माग पत्र जाँच निर्देशिका परराष्ट्रले अध्ययन गरिरहेको छ । गत जेठदेखि युरोपको माग पत्र प्रमाणीकरण भइरहेको छैन ।
युरोप जान ४० हजार जनाले माग गरेपनि माग पत्र प्रमाणीकरण नभएका कारण संस्थागत रूपमा नेपाली श्रमिक युरोप जान पाइरहेका छैनन् । यसबारे कसरी अगाडी जाने भन्ने राजदूतसँग छलफल हुनेछ । सम्बन्धित देशका राजदूतसँग छलफल भएपछि श्रम, रोजगार तथा सामाजिक सुरक्षा मन्त्रालय र परराष्ट्र मन्त्रालयले आगामी कार्यविधि बनाउने बताइएको छ ।
तीन दिनको छलफलबाट नेपालबाट रोजगारीका लागि जाने श्रमिकका समस्या, रोजगारदाता देशहरूले माग्ने श्रमिकको अवस्था र श्रमिकले पाउने सेवा सुविधा लगायत सुरक्षाका विषयमा राजदूतहरुले नेपाल सरकारका प्रतिनिधिहरूलाई ब्रिफिङ गर्नेछन् । उनीहरूको बिफ्रिङपछि कुन कुन विषय र क्षेत्रमा कस्तो नीति अवलम्बन गर्ने भन्ने बारे रिपोर्ट तयार गरिने भएको छ ।
मन्त्रालयका अनुसार श्रम मन्त्रालयको आग्रहमा परराष्ट्र मन्त्रालयले खाडी, मलेसिया र युरोप क्षेत्र हेर्ने राजदूत बोलाएको हो । राजदूतहरूसँग भदौ २५, २६ र २७ मा वैदेशिक रोजगारीसँग सम्बन्धित विषयमा छलफल हुनेछ । वैदेशिक रोजगारको व्यवस्थापनलाई अझ पारदर्शी बनाउने र श्रमिकको सुरक्षालाई प्राथमिकता दिएर नीति बनाउन राजदूतहरूको सुझाव महत्वपूर्ण हुने बताइएको छ ।
मुख्य गरी सेवा शुल्क, युरोपमा देखिएको अवसर, घरेलु श्रमिकको अवस्था र ठगी नियन्त्रणसँग सम्बद्ध विषयमा राजदूतहरूसँग विस्तृत छलफल गरी सुझाव लिइनेछ । श्रम मन्त्रालयका अनुसार श्रम मन्त्रालयले आप्रवासन नीति बनाउन मस्यौदा तयार गरिरहेको छ । परराष्ट्र मन्त्रालयले युरोपको माग पत्र प्रमाणीकरण, जापानको निर्दिष्ट सीपयुक्त श्रमिकसम्बन्धी निर्देशिका, घरेलु श्रमिकको निर्देशिका र कोरिया जाने सीपयुक्त श्रमिकलाई पठाउने फाइलहरूमाथि सुझाव लिइनेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदूरसञ्चार प्राधिकरणले अन्य बक्यौतासहित २० अर्ब नतिरेसम्म एनसेलको लाइसेन्स नवीकरण नगर्ने
जेठ १८, २०८१ शुक्रबार
कैलालीमा दश महिनामा छ सय ६१ घरेलु तथा साना उद्योग दर्ता
जेठ १६, २०८१ बुधबार
‘लहान एक्पो’ मा एक करोड ५९ लाखभन्दा बढी कारोबार
जेठ १४, २०८१ सोमबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
सन्दीप लामिछानेलाई अमेरिकाले फेरि पनि दिएन भिसा
जेठ १७, २०८१ बिहिबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
तपाईको आजको राशीफल कस्तो छ ?
जेठ १८, २०८१ शुक्रबार
बर्दियामा जुवातास खेलिरहेको अवस्थामा ६ जना पक्राउ
जेठ १८, २०८१ शुक्रबार
सुशासन कायम गर्न भ्रष्टाचार अन्त्य गर्नुपर्छ : अध्यक्ष नेपाल
जेठ १८, २०८१ शुक्रबार
झापामा सुपारी प्रशोधनका लागि ४० लाख अनुदान
जेठ १८, २०८१ शुक्रबार
अभिलेख संरक्षण पहिलो संशोधन विधेयक अन्तर्राष्ट्रिय सम्बन्ध समितिबाट पारित
जेठ १८, २०८१ शुक्रबार
किम्फमा महिला चलचित्रकर्मीबारे छलफल, कसले के भने ?
जेठ १८, २०८१ शुक्रबार
जिम्मेवारी पूरा गर्न प्रहरी कर्मचारी थप सिर्जनशील हुनुपर्छ : प्रहरी महानिरीक्षक कुँवर
जेठ १८, २०८१ शुक्रबार