डोल्पामा भेटिएको शव गुल्मपति पण्डितको हुन सक्ने

२६ भदौ, काठमाडौं । डोल्पामा मंगलबार एक जनाको पुरुषको शव फेला परेको छ । त्रिपुरासुन्दरी नगरपालिका-५ स्थित खदाङ भन्ने ठाउँमा शव भेटिएको हो । 

उक्त शव  १६ दिनदेखि हराइरहेका डोल्पा सदरमुकाम दुनैका गुल्मपति (मेजर) बिमल पण्डितको हुन सक्ने आशंका गरिएको छ । आज बिहान एक पुरुषको शव देखेपछि स्थानीयले प्रहरीलाई खबर गरेका थिए । खबर पाएलगत्तै डिएसपीको नेतृत्वमा टोली परिचालन गरिएको प्रमुख जिल्ला अधिकारी भूमिश्वर पोखरेलले बताए । 

पण्डित हराएदेखि नै खोजीका लागि उनको बुबा सैन्य ब्यारेकमा रहेको र शव ल्याइपुर्याएपछि पहिचान हुने पोखरेलले बताए । नन्दबक्स गुल्मका गुल्मपति पण्डित यही भदौ १० गते अपराह्नदेखि हराइरहेका थिए । अंग रक्षकलाई छाडेर उनी सम्पर्कविहीन भएको खुलेको छ । 

यो पनि पढ्नुहोस