रामेछापबाट काठमाडौं आउँदै गरेको बस भलायखर्कमा दुर्घटना

२७ भदौ, काठमाडौं ।  रामेछापमा सुनपति गाउपालिकाको भलायखर्कमा यात्रुवाहक बस दुर्घटना भएको छ । बुधबार बिहान रजमनटारबाट काठमाडौंतर्फ आइरहेको  बा ३ ख ५९६० नम्बरको बस दुर्घटना भएको हो । दुर्घटनामा परी ७ जना घाइते भएका छन् ।

बस अनियन्त्रित भई सडकमा पल्टिएको थियो । बसमा ७० भन्दा बढी यात्रु सवार रहेको र ७ जना घाइते भएको प्रहरीले जनाएको छ ।  घाइते हुनेहरुमा मैच्याङ तामाङ, धनबहादुर तामाङ, शुक्रमाया विश्वकर्मा, साइँली तामाङ,  मिनबहादुर थापामगर, विस्वास बिसंखे घाइते लगायत छन् ।

घाइतेलाई उपचारका लागि काभ्रेकाे धुलिखेल अस्पताल ल्याइएकाे छ ।