भुकम्प पीडितको राहतबारे मन्त्रिपरिषदले भोली निणर्य गर्ने

१८ कात्तिक, काठमाडौं । प्रधानमन्त्री पुष्पकमल दाहाल प्रचण्डले मन्त्रिपरिषदको बैठक बोलाएका छन् । शुक्रबार राती जाजरकोटको रामीडाँडा  केन्द्रविन्दु बनाएर गएको ६.४ रेक्टर स्केलको भुकम्पपछि भएको ठूलो मानवीय र भौतिक क्षतिबारे छलफल गर्न आइतबार भोली बिहानका लागि प्रधानमन्त्रीले बैठक बोलाएका हुन् । 

स्थलगत निरिक्षणका लागि भूकम्प प्रभावित क्षेत्र जाजरकोट र रुमुम पश्चिममा रहेका प्रधानमन्त्री प्रचण्डले भोलि आइतबार बिहान ८ बजेका लागि मन्त्रिपरिषदको बैठक बोलाएको  प्रधानमन्त्रीका प्रेस संयोजक सुर्यकिरण शर्माले जानकारी दिए । उक्त बैठकले भुकम्पको क्षतिबारे छलफल गर्नुका साथै पीडितहरूलाई राहत, उद्धार तथा पुर्नस्थापनाबारे थप निर्णय गर्नेछ ।