अर्थमन्त्रीको मौद्रिक नीतिप्रति किन आइरहन्छ गुनासो ?
नेपालबहस संवाददाता
कात्तिक २५, २०८० शनिबार १४:३१:४८
२५ कात्तिक, काठमाडौं । अर्थमन्त्री प्रकाशशरण महतले निरन्तर मौद्रिक नीतिप्रति गुनासो गर्न थालेका छन् । उनले नेपाल राष्ट्र बैंकका गभर्नर महाप्रसाद अधिकारीले आफ्नो कुरा नसुनिरहेको भन्दै गभर्नर अर्थतन्त्र र नेपालमा आउने लगानीप्रति चिन्तित नभएको बताइरहेका छन् ।
उनले बेलायतमा भएको लगानी सम्मेलनपछि नेपालमा आएर नेपाल राष्ट्र बैंकले मौद्रिक नीतिलाई अझै खुकुलो बनाउनुपर्ने बताएका थिए । नेपालमा भएको एशियाली मुलुकका बैंकहरुको सम्मेलनमा पनि मौद्रिक नीतिका कुरा उठाएर यसलाई अझै खुकुलो नबनाएसम्म अर्थतन्त्रले आकार लिन नसक्ने बताए । गभर्नर अधिकारी भएको एउटै मञ्चमा पनि अर्थमन्त्री महतले मौद्रिक नीति खुकुलो बनाउन आग्रह गरिरहेका छन् ।
शुक्रबारको अर्थ समितिको बैठकमा पनि अर्थमन्त्री महतले मौद्रिक नीतिकै कुरा दोहोर्याए । अर्थमन्त्री महतले अर्थतन्त्र चलायमान बनाउनका लागि मौद्रिक नीति खुकुलो बनाउनुपर्नेमा बताउँदै गभर्नरले आफ्नो कुरा नसुनेको गुनासो संसदीय समितिसमक्ष सुनाए । उनले शुक्रबार प्रतिनिधि सभाको अर्थ समितिको बैठकमा लगानीकर्तालाई लगानीका लागि प्रोत्साहित गर्न मौद्रिक नीतिमा लचकता अपनाउन आवश्यक रहेपनि गभर्नर यसको विपक्षमा रहेको बताए ।
उनले भने ‘राष्ट्र बैंकबाट सम्बोधन हुने कुरा गर्दिनुस् भनेर बैंकको नेतृत्वलाई पटक पटक भनिरहेका छौं । कतिपय कुरा भएका छन भने केहि कुरामा अझै लचकता अपनाउन बाँकी छ । त्यो लचकता अपनाउने भनेको गभर्नरले हो । तर, गभर्नरको चासो यसप्रति देखिएको छैन् । मौद्रिक नीतिमा गरिएको कडाइले गर्दा लगानीकर्ताहरु लगानी विस्तार गर्न डराइरहेका छन् । लगानी हुन सकिरहेको छैन । लगानी नबढेकाले अर्थतन्त्र चलायमान हुन सकिरहेको छैन ।’
उनले बिहिबार गभर्नर महाप्रसाद अधिकारी सहभागी कार्यक्रममै पनि आर्थिक वृद्धिमा असर परेको भन्दै मौद्रिक नीतिमा लचकता अपनाउन ढिलो गर्न नहुने बताएका थिए । समितिको बैठकमा मन्त्री महतले अख्तियार दुरुपयोग अनुसन्धान आयोगका कारण कर्मचारीलाई काम गराउनै नसकिने अवस्था आएको पनि बताएका थिए ।
उनले भने, ‘हाम्रा संरचनागत जटिलता छन् । अहिले अख्तियारबाट यो गर्न हुने÷नहुने भनेर कर्मचारीलाई निर्देशन आएको छ । रातो किताबमा किन विनियोजन भयो भनेर मुद्दा लागेको छ । जसका कारण प्रशासन तन्त्रलाई चलायमान बनाउनै कठिन छ ।’ सरकारले बजेटमार्फत नै कात्तिकभित्र ठेक्का लगाइसक्ने भनेकामा काम हुन नसकेपछि मन्त्री महतले त्यसमा विभिन्न समस्या औंल्याए । कात्तिकमा ठेक्का लगाइसक्ने भनेका थियौं, तर वातावरणीय अध्ययन बाँकी हुँदो रहेछ, उनले भने।
उनका अनुसार सरकारले आगामी वैशाख पहिलो साता लगानी सम्मेलन गर्ने तयारी गरेको छ । लगानी सम्मेलन सम्बन्धी प्रस्ताव मन्त्रिपरिषदमा पेस भइसकेको छ । उनले औपचारिकताका लागि नभइ सक्दो धेरै लगानी भित्र्याउने गरी सम्मेलन गर्ने बताए ।
‘हामीलाई विदेशी लगानीको खाँचो छ। दातृ संस्था पनि नेपालमा लगानी बढाउन इच्छुक छन्। तर हामीले सार्वजनिक खरिदमा रहेका अप्ठ्याराहरू हटाउनुपर्छ,’ उनले भने, ‘विश्व बैंक अपर अरुणमा लगानी गर्न तयार भएको छ । हामीले सहुलियत पूर्ण ऋण चाहिन्छ भनेका छौं ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजारमा धेरै भयो पैसा, वित्तीय प्रणाली कै तरलता व्यवस्थापन गर्न राष्ट्र बैंकलाई सकस
जेठ ३२, २०८१ शुक्रबार
अर्थतन्त्रको बाह्य क्षेत्रमा सुधार, १९ खर्ब नजिक पुग्यो विदेशी विनिमय सञ्चिति
जेठ २८, २०८१ सोमबार
१० महिनामा १२ खर्ब रेमिट्यान्स, वैदेशिक रोजगारीमा जाने नेपालीको संख्या भने घट्यो
जेठ २८, २०८१ सोमबार
राष्ट्रिय अनुसन्धान विभागका एसपी प्रसाईमाथि छानबिन !
नेपालबहस संवाददाता
असार ६, २०८१ बिहिबार
कर्मचारीको अवरोधपछि प्रतिनिधि सभाको बैठक स्थगित
नेपालबहस संवाददाता
असार ५, २०८१ बुधबार
सत्तामा निरीह प्रधानमन्त्रीः समीकरण फेरिन्छ कि मध्यावधि हुन्छ ?
असार ८, २०८१ शनिबार
पत्रकार महासंघको निर्वाचन असार २२ गते
असार ७, २०८१ शुक्रबार
आईएल टी-२० फ्रेन्चाइजी गल्फ जायन्टद्वारा दिपेन्द्रसहित १३ खेलाडी रिटेन
असार ७, २०८१ शुक्रबार
गर्मीको समयमा दिल्लीमा खानेपानीको अभाव
असार ८, २०८१ शनिबार
एडीबीद्वारा पाकिस्तानमा दिगो लगानीका लागि २५० मिलियन अमेरिकी डलर ऋण स्वीकृत
असार ८, २०८१ शनिबार
इटालीमा आप्रवासी जहाज दुर्घटना हुँदा मृत्यु हुनेको सङ्ख्या ३४ पुग्यो
असार ८, २०८१ शनिबार
आन्तरिक पर्यटकको रोजाइमा वेतना सिमसार
असार ८, २०८१ शनिबार
सुन्धारामा चलिरहेको छ नेपाल अफ्रिका चलचित्र महोत्सव
असार ८, २०८१ शनिबार
मनसुनमय पाँच पोखरी ( फोटो फिचर )
असार ८, २०८१ शनिबार