बुधबार साँझदेखि जेटका सबै उडान बन्द
इन्द्र रिजाल
बैशाख ५, २०७६ बिहिबार १२:५४:३८
काठमाडौं । चरम आर्थिक संकटमा परेको २५ वर्ष पुरानो भारतीय एयरलाइन्स जेट एयरवेजलाई ऋणदाताहरुले थप रकम उपलब्ध नगराउने जनाएसँगै बुधबार साँझदेखि जेटका सबै उडान बन्द भएका छन् ।
रोयटर्सका अनुसार, जेटलाई तत्काल उडान सुचारु गर्न आपत्तकालिन कोषकालागि ४ सय करोड भारु आवश्यक थियो। तर, ऋणदातासँग बुधबार साँझ भएको संचालकहरुको बैठकमा उनीहरुले थप रकम उपलब्ध गराउन इन्कार गरेपछि जेटका सबै उडान बन्द भएका हुन् ।
१ सय १५ वटासम्म विमान भएको यो कम्पनीसँग बुधबार ५ वटा मात्रै जहाज थिए। भारतका ३७ वटा आन्तरिक तथा १९ वटा अन्तर्राष्ट्रिय गन्तव्यमा उडान भर्दै आएको जेटको बुधबार राति अन्तिम उडान हुने भनिएको छ।
कम्पनीले ऋण चुक्ता गर्न नसकेपछी ऋणदाता र लगानीकर्ताहरुले जहाजहरु जफत गरेको भारतीय संचारमाध्यमहरुले जनाएका छन्। यसले विभिन्न वित्तिय निकायलाई ८ हजार करोड ‘भारु’ भन्दा बढी ऋण चुक्ता गर्नुपर्ने देखिन्छ। बुधबारसम्म आपतकालिन कोषकालागि रकम नजुटेपछि बाँकि ५ वटा विमान पनि लगानीकर्ताले जफत गर्न लागेको संचारमाध्यमले जनाएका छन्।
जेटले मुम्बई र दिल्लीबाट काठमाडौंकालागि दैनिक ५ वटासम्म उडान गर्थ्यो। तर, सोमबारदेखी यसले काठमाडौंकालागि हुने सबै उडान रोकेको छ। विमानस्थलका महाप्रवन्धक राज कुमार क्षत्रीका अनुसार, बैशाख २२ गतेसम्मकालागि यसले उडान रोक्का गरेको सूचना दिएको छ।
समस्याग्रस्त एयरलाइन्सले उडान रोक्नुको कारण भने खुलाएको छैन। मुम्बईमा मुख्यालय भएको जेटले त्रिभुवन अन्तर्राष्ट्रिय विमानस्थललाई ल्याण्डिङ, पार्किङ, लगायतका सेवाको साढे ३ करोड हाराहारी बक्यौता बुझाउन बाँकी रहेको महाप्रबन्धक क्षत्रीले बताए।
सन् २०१८ मा जेट नेपालमा सर्वाधिक यात्रु ल्याउने नेपाल वायुसेवा निगमपछिको दोस्रो विमान कम्पनी हो। यस एयरलाइन्सबाट नेपाल आउनेमा पर्यटकहरु अत्याधिक पर्छन्। यसले चैत २१ गते नेपालमा टिकट बिक्री गर्ने सबै ट्राभल एजेन्टलाई इमेल गरी टिकट बिक्री नगर्न भनेको थियो। उक्त इमेलमा यस्ले उडान रोक्नुको कारण भनेको उल्लेख नगरेको एक ट्राभल एजेन्सीले जनाएको छ।
समाचार स्रोतका अनुसार जेटले ‘त्रिभुवन विमानस्थललाई ल्याण्डिङ, पार्किङ, लगायतका सेवाको साढे ३ करोड हाराहारी बक्यौता बुझाउन बाँकी छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपपृथ्वीराजमार्ग जोड्ने वैकल्पिक रानीटारी–घुम्ती मार्ग १६ दिन बन्द
जेठ ६, २०८१ आइतबार
मुग्लिन–पोखरा सडकः पूर्वी खण्डमा एक सय ५५ दिन म्याद थप
जेठ ४, २०८१ शुक्रबार
लेनडाँडा सुरुङमार्गको 'ब्रेक थ्रु'
जेठ ४, २०८१ शुक्रबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
हावाहुरीले उदयपुरमा करोडौँको क्षति
जेठ ६, २०८१ आइतबार
ट्राफिक प्रहरी जवानको हत्या आरोपमा ६ जना पक्राउ
जेठ ६, २०८१ आइतबार
प्रतिनिधिसभाको बैठक बस्दै, प्रधानमन्त्रीले विश्वासको मत लिने कार्यसूची
जेठ ७, २०८१ सोमबार
मानसरोवर यात्राः रसुवागढी नाकामा बढ्याे चहलपहल
जेठ ७, २०८१ सोमबार
म्यानचेस्टर सिटीले जित्यो प्रिमियर लिगको उपाधि
जेठ ७, २०८१ सोमबार
दमौलीको मुख्यचोकका सटरमा भीषण आगलागी
जेठ ७, २०८१ सोमबार
कस्तो छ आजको मौसम पूर्वानुमान ?
जेठ ७, २०८१ सोमबार
प्रधानमन्त्री प्रचण्डले आज विश्वासको मत लिँदै
जेठ ७, २०८१ सोमबार