संघीयताको पक्षमा स्थानीय जनप्रतिनिधि बोल्न डराउने हो भने परिस्थिति झन जटिल बन्नसक्छः प्रधानमन्त्री
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
पुस २, २०८० सोमबार १३:४८:५५
२ पुस, काठमाडौं । प्रधानमन्त्री पुष्पकमल दाहाल प्रचण्डले स्थानीय तहका जनप्रतिनिधिलाई संघीयताको पक्षमा बोल्न आग्रह गरेका छन् । ललितपुर महानगरपालिकाको स्थापना दिवसको अवसरमा आयोजित कार्यक्रममा बोल्दै प्रधानमन्त्री प्रचण्डले स्थानीय सरकार आएपछि विकासले फड्को मारेको र त्यो संघीय लोकतान्त्रिक गणतन्त्रले सम्भव भएको बताए ।
संघीयता आएपछि अहिले ७ सय ५३ स्थानीय तहकै काम हेर्दा गर्व महसुस हुनुपर्छ । तर संघीयताको वाहकहरुले जनताको सरकार बारे जनतालाई बुझाउन कन्जुस्याँई गरिरहेका छन् । ऐतिहासिक परिवर्तनबारे जनतालाई भनेनौं भने देश पछाडि फर्किन सक्छ । संघीय लोकतान्त्रिक गणतन्त्रबारे स्थानीय सरकारका प्रतिनिधिले किन सकारात्मक किन भन्दैनौं ?’ प्रचण्डले प्रश्न गरे ।
स्थानीय तहको जनप्रतिनिधिले संघीयताको पक्षमा किन नबोलेको भन्दै गुनासो समेत गरे । प्रचण्डले गणतन्त्र विरोधीहरुले नकारात्मक भास्य बनाएर सम्पूर्ण सविधान र परिवर्तनलाई निस्तेज गर्ने कसरत गरिरहेको भन्दै परिवर्तनका बाहकहरुले बोल्नुपर्ने बताए । आफू एक वर्षको समीक्षा पछि फरक ढंगले काम गर्ने भन्दै संघीयता बलियो बनाउन निजामती ऐन, संघीय शिक्षा ऐन, प्रहरी समायोजन ऐन ल्याउने समेत बताए ।
प्रधानमन्त्री प्रचण्डले परिवर्तनको ऐतिहासिक महत्व, जनतालाई अधिकार सम्पन्न बनाएको र सबै उत्पीडित वर्ग समुदायलाई अधिकार र पहिचान दिलाएको कुरा जनतामाझ सम्प्रेष गर्न नसके देश फरि पछाडि फर्किने खतरा बढ्ने बताए । उनले प्राप्त उपलब्धीहरुलाई जनतामाझ पुर्याउन नसके देश दुर्गतीतिर फर्किने खतरा बढ्ने बताए । नेपालमा नेगेटिभ कुरा गर्न प्रवृत्ति बढेको उनले बताए । अब राजनीतिक दलहरुले राजनीतिक स्थायित्व, विकास र समृद्धिको यात्राबाट जनतामा आशा जगाउन र भरोसा दिलाउन सक्नुपर्ने उनले बताए ।
‘नेगेटिभ कुरा बढि गर्ने बानी बस्न थाल्यो नेपालमा । सकारात्मक नदेख्ने, सकारात्मक र उज्यालोतिर नहेर्ने, खाली अध्यारो र नकरात्मक । यस्तो भयो भने हामीले राजनीतिक स्थायित्व, विकास र समृद्धिको यात्रा,जनतामा आशा जगाउने, जनतालाई भरोसा दिने काम गर्न सक्दैनौं । के संघीय लोकतान्त्रिक गणतन्त्र र स्थानीय सरकारले प्रत्यक्ष जनतासँग सहकार्य गरेर विकास निर्माण र सेवा प्रदानमा पहिलाको भन्दा राम्रो गरेको छैन र ?’ प्रश्न गर्दै उनले भने, ‘पक्कै गरेको छ । किन त्यो कुरालाई हामी सकारात्मक ढंगले भन्दैनौं ? यो परिवर्तन ल्याउने तमाम योद्धाहरु, राजनीतिक दल र नेताहरुको भूमिकालाई हामीले किन सकारात्मक ढंगले भन्दैनौं ?’
केही मानिसहरुले गणतन्त्र, संघीयता सामावेशिता र समानुपातिकताको विरोध गरेको उनले बताए । ती मान्छेहरुले नकारात्मक भाष्य बनाएर यो संविधान र परिवर्तनलाई नै निस्तेज पार्ने कसरत गरिरहेको उनको दाबी छ । यस्तो बेलामा परिवर्तनका वहाकहरुले पनि लहैलहैमा लागेर यो पनि ठीक छैन, त्यो पनि ठीक छैन, सबै सिद्धियो, डुब्यो भन्न थालियो भने राम्रो नहुने उनको भनाइ छ ।
रोजगारी नपाएर, विकास नभएर नेपाली युवाहरु या शिक्षित समुदायहरु विदेश जाने लर्को लागेको कुरामा आंशिक सत्य रहेको उनले बताए । हजारौ युवाहरु दिनै विदेश जाने कुरा सबैका लागि चिन्ताको विषय भएको उनले बताए । सबैले हजारौ युवाहरु रोक्नै सकिएन, विकास नभएर, रोजगारी नभएरमात्रै भनेरमात्रै समस्याको समाधान हुनेवाला नरहेको उनले बताए । सरकारले रोजगार सिर्जना गर्न नसकेको, प्राकृतिक स्रोत साधानको सचित प्रयोग गर्न नसकेको कुरालाई स्वीकार गर्दै उनले अहिलेको पुस्तामा देशभक्तिको भावनामा कमी आएको बताए । उनले रोजगारी नभएर र सरकारकै कारणले पढेलेखेका मानिर र युवाहरु विदेश गए भन्ने कुरामा सत्यता नरहेको बताए ।
आफूले पश्चिम नेपालका केही जिल्ला भ्रमण गर्दा स्कुलका हेडमास्टरहरु समेत ५०÷६० लाख तिरेर विदेश जाने लहर चलिरहेको उनले बताए । नेपालको उर्वर जमिन बाँझो राख्ने, भएको जागिर छोड्ने जस्ता विषयलाई उल्लेख गर्दै उनले नेपालीमा देशभक्तिको भावना मर्दै गएकोमा चिन्ता ब्यक्त गरे । अहिले जसले केही गर्न बल गर्दैछ उसैलाई गाली गर्ने र जो नेपालमै बस्न चाहन्छ उसैलार्ई गाली गर्ने प्रवृत्ति बढेको बताए । छिट्टै नै संघीय निजामति ऐन र संघीय शिक्षा ऐन ल्याएउने समेत उनले बताए ।
दाहालले काठमाडौंको फोहोर उपत्यकामा देखिएको फोहोरको समस्या सबै स्थानीय तहको मुलुभत समस्या रहेको संघीय सरकारलाई अवगत रहेको बताएका छन् । संघीय सरकारले फोहोर समस्या यसको लागि वैज्ञानिक र दीर्घकालिन समाधानको लागि पहल भइरहेको बताएका थिए ।
खानेपानी समस्याको लागि संघीय सरकारले काम गरिरहेको भन्दै सार्वजनिक खरिदको नीतिगत सुधारको लागि पहल भइरहेको दाहालले सुनाए ।
ललितपुरले पुनर्निर्माण र सम्पदा संरक्षणमा गरेको काम प्रशंसा गर्दे प्रचण्डले लदिलतपुरका मेयर चिरीबाबु महर्जनको तारिफ गरे । उनले जमिन बाँझो राखेर विदेश जाने, भएको जागिर छोडेर हिँडेर जानुले देशभक्तिको भावना मर्दै गएको बताएका थिए । ‘नेपालीले आचारसंहिता विर्सँदै गएको भन्दै नयाँ पुस्तालाई राष्ट्रप्रेम सिकाउन अनुरोध गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमहाधिवेशनमा साझा दस्तावेज लैजाने निर्णय
असार ८, २०८१ शनिबार
राजनीतिमा अपराधिकरण बढ्दै गयो : नेता शेखर कोइराला
असार ८, २०८१ शनिबार
जब सभामुख घिमिरेसँग विद्यार्थीले संसदीय मर्यादाको कुरा गरे...
असार ८, २०८१ शनिबार
नेपाल आइडल सिजन ५ को उपाधि बर्दियाका करण परियारले जिते
नेपालबहस संवाददाता
असार ८, २०८१ शनिबार
सत्तामा निरीह प्रधानमन्त्रीः समीकरण फेरिन्छ कि मध्यावधि हुन्छ ?
केदार भट्टराई (काका)
असार ८, २०८१ शनिबार
राष्ट्रिय अनुसन्धान विभागका एसपी प्रसाईमाथि छानबिन !
नेपालबहस संवाददाता
असार ६, २०८१ बिहिबार
नेपाल आइडल सिजन ५ को उपाधि बर्दियाका करण परियारले जिते
असार ८, २०८१ शनिबार
सत्तामा निरीह प्रधानमन्त्रीः समीकरण फेरिन्छ कि मध्यावधि हुन्छ ?
असार ८, २०८१ शनिबार
'कार्वाइड' प्रयोग गरिएका फलफूल खरिदबिक्री नगर्न विभागको आग्रह
असार ८, २०८१ शनिबार
थाई नरेशसमक्ष राजदूत ओलीद्वारा ओहोदाको प्रमाणपत्र प्रस्तुत
असार ९, २०८१ आइतबार
युरोकपमा जर्जिया र चेक रिपब्लिक बराबरीमा रोकिए
असार ९, २०८१ आइतबार
कोशी, बागमती, गण्डकी र लुम्बिनीमा भारी वर्षा हुने
असार ९, २०८१ आइतबार
तपाईको आजको राशीफल कस्तो छ ?
असार ९, २०८१ आइतबार
नेपाल आइडल सिजन ५ को उपाधि बर्दियाका करण परियारले जिते
असार ८, २०८१ शनिबार
‘गोरुलाई पोषण, कृषकलाई प्रोत्साहन’
असार ८, २०८१ शनिबार