माओवादी केन्द्रको बैठकमा विधान संशोधनबारे छलफल

२८ पुस, काठमाडौं । पार्टीको विधान संशोधनबारे छलफल गर्न नेकपा माओवादी केन्द्रको पदाधिकारी बैठक शनिबार पार्टी मुख्यालय पेरिस डाँडामा बसेको छ । पार्टीको स्थायी कमिटी बैठक अघि पदाधिकारीहरूको बैठक भएको हो । 

विधान संशोधनको मस्यौदा स्थायी कमिटी सदस्यहरूलाई अध्ययनका लागि दिइएको छ । पदाधिकारीपछि मस्यौदामाथि अब स्थायी कमिटीमा छलफल हुनेछ । पार्टीको विधान मस्यौदा समितिले १ सय ५१ सदस्यीय केन्द्रीय कमिटी बनाउने प्रस्ताव गरेको थियो ।

आजको बैठकमा यसै विषयमा छलफल हुने प्रवक्ता अग्नि सापकोटाले जानकारी दिए । आजको बैठकमा जनतासँग माओवादी विशेष रुपान्तरण अभियानको पनि समीक्षा हुनेछ । माओवादीले विधान संशोधन गरी पार्टीको नाम र झण्डा परिवर्तन गर्ने तयारी गरेको छ ।