निलम्बनपछि अदालतको आदेशबाट काममा फर्किएका स्वास्थ्य बीमा बोर्डका कार्यकारी निर्देशक बसौला बर्खास्त
नेपालबहस संवाददाता
माघ १६, २०८० मंगलबार १३:३७:५१
१६ माघ, काठमाडौं । स्वास्थ्य बीमा बोर्डका कार्यकारी निर्देशक दामोदर बसौलालाई पदबाट बर्खास्त गरिएको छ । स्पष्टीकरणको जवाफ दिएको एक साता नबित्दै स्वास्थ्य मन्त्री मोहनबहादुर बस्नेतको दवावमा उनलाई बर्खास्त गरिएको हो । मन्त्री बस्नेतले उनलाई बर्खास्त गर्न मन्त्रिपरिषदमा सिफारिस लगेका थिए ।
अघिल्लो पटकको मन्त्रिपरिषदको बैठकमा नै मन्त्री बस्नेतले बासौलालाई बर्खास्त गर्नुपर्ने बताएका थिए । तर, माघ ९ गते बसेको मन्त्रिपरिषद बैठकले बसौलालाई बर्खास्त गर्ने निर्णय गरेको हो । ९ गते बर्खास्त गर्ने निर्णय भएपनि अहिलेसम्म पत्र नआएको बीमा बोर्डले जनाएको छ । मन्त्रिपरिषदका निर्णय सार्वजनिक गर्दा उनलाई बर्खास्त गरिएको कुरा राखिएको थिएन ।
स्वास्थ्य मन्त्रालय स्रोतले भने बसौलालाई बर्खास्त गर्ने निर्णय मन्त्रिपरिषद बैठकबाटै भएको जानकारी दिएको छ । बसौला भने अहिले बीमा बोर्डकै पुर्ववत कार्यक्रमका लागि काठमाडौं बाहिर रहेको बताइएको छ । स्वास्थ्य बीमा बोर्डले बसौलालाई बर्खास्त गरिएको सूचना आएको तर, पत्र नआएको जनाएको छ । बोर्डका प्रवक्ता ओमकुमारी कडेलले कार्यकारी निर्देशक बसौलालाई बर्खास्त गरिएको बारे मन्त्रालयबाट औपचारिक पत्र आउन बाँकी रहेको जानकारी दिएकी छन् ।
स्वास्थ्य मन्त्रालय स्रोतका अनुसार मन्त्री बस्नेतको आदेशपछि २४ पुसमा बोर्डका कार्यकारी निर्देशक दामोदर बसौलालाई हटाउन मन्त्रिपरिषदमा सिफारिस गरिएको थियो । सोही सिफारिस बमोजिम माघ ९ को मन्त्रिपरिषद बैठकले उनलाई बर्खास्त गर्ने निर्णय गरेको हो । यसअघि पनि मन्त्री बस्नेतले बसौलालाई हटाउने मनसायले स्पष्टीकरण सोधेका थिए ।
मन्त्री बस्नेतले बसौलालाई पदीय जिम्मेवारी बहन नगरेको भन्दै तीन दिनको म्याद दिएर असोज ४ गते ११ बुँदे स्पष्टीकरण सोधेका थिए । गलत नियतका साथ स्पष्टिकरण सोधेको भन्दै मन्त्री बस्नेतको सर्वत्र आलोचना भएपछि उनले मन्त्रिपरिषदमा प्रस्ताव लगेर असोज २४ मा बसौलालाई स्पष्टीकरण सोध्न मन्त्रालयलाई स्वीकृति दिने निर्णय गराएका थिए ।
सोही स्वीकृतिको आधारमा असोज २६ गते मन्त्रीस्तरीय निर्णय गर्दै बसौलाले प्रमाण मेटाउन सक्ने लगायतका आरोप लगाउँदै तीन महिनाका लागि निलम्बन गरिएको थियो । मन्त्रालयको सो निर्णयविरुद्ध बसौला कात्तिक १७ मा सर्वोच्च गएका थिए । न्यायाधीशद्वय हरिप्रसाद फुयाल र सुनिलकुमार पोखरेलको संयुक्त इजलासले बसौलालाई निलम्बन गर्ने निर्णय कार्यान्वयन नगर्न पुष ६ मा अन्तरिम आदेश जारी गरेको थियो ।
सर्वोच्चको आदेशपछि थप रुष्ट बनेका मन्त्री बस्नेतले पुनः बीमा बोर्डका कार्यकारी निर्देशकलाई स्पष्टीकरण सोधेका थिए । त्यससँगै उनले बसौलालाई बर्खास्त गर्ने निर्णय मन्त्रिपरिषदबाट गराएका हुन् । कार्यकारी निर्देशक बसौलालाई केपी ओलीको सरकारले भानुभक्त ढकाल स्वास्थ्यमन्त्री रहँदा ४ वर्षका लागि २०७७ कात्तिक २० नियुक्ति दिएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकतार एयरवेजको विमान उड्ने क्रममा धुवाँ देखियो, प्राविधिक परीक्षण हुँदै
बैशाख २४, २०८१ सोमबार
एयर इन्डिया र नेपाल एयरलाइन्सका श्रमिकको चेतावनी, मर्यादित ज्याला नपाए सेवा ठप्प
बैशाख २४, २०८१ सोमबार
घरजग्गा कारोबार: साढे तीन खर्ब लगानी, व्यवसाय सुस्त
बैशाख २३, २०८१ आइतबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
केदार भट्टराई (काका)
बैशाख २४, २०८१ सोमबार
सुन तस्करी सम्बन्धी गृहले बनाएको समितिको जिष्ट प्रतिवेदन,१० जनालाई कारबाही गर्न सुझाव
बैशाख २५, २०८१ मंगलबार
एकैदिन ३१ वटा विद्युतीय कार काठमाडौं पठाइँदै
बैशाख २५, २०८१ मंगलबार
२२ वर्षीया युवती एक सातादेखि सम्पर्कविहीन
बैशाख २५, २०८१ मंगलबार
सिद्धार्थनगर सिटी अस्पतालमा न्यूरो र जनरल सर्जरीको विशिष्टिकृत सेवा
बैशाख २६, २०८१ बुधबार
'पुजार सार्की’मा विभेद र वर्गीय सङ्घर्षको कथा
बैशाख २६, २०८१ बुधबार
फ्लाईओभरका अव्यवस्थित निर्माण सामग्री हटाइयो [ फाेटाेफिचर ]
बैशाख २६, २०८१ बुधबार
एमालेसँग सरकार बन्ने तहमा कुरा भएको छैनः लेखक
बैशाख २६, २०८१ बुधबार
ट्रयाक्टर दुर्घटना हुँदा विद्यार्थीको मृत्यु
बैशाख २६, २०८१ बुधबार
भारी वर्षाले उत्तरी हाइटीमा पहिरो जाँदा १३ जनाको मृत्यु
बैशाख २६, २०८१ बुधबार