शिरिष देवकोटाको ‘बैना हजुर’ बिन्ध्यवासिनी म्युजिकबाट सार्वजनिक

२ फागुन, काठमाडौं । लोकदोहोरी गायक शिरिष देवकोटाको ‘बैना हजुर’ सार्वजनिक गरिएको छ । गायक शिशिर देवकोटा र गायिका सुनिता बुढा क्षेत्रीको स्वरमा रहेको ‘बैना हजुर’ लोकदोहोरीगीतको म्युजिक भिडियो बिन्ध्यवासिनी म्युजिकको आधिकारिक युटुयूब च्यानलबाट बुधबार सार्वजनिक गरिएको हो ।

गीतको लय र संगीत गायक देवकोटाले भरेका हुन् । एरेञ्ज र मिक्सिङ श्यामश्वेत रसाइलीका हुन् । 

गीतको म्युजिक भिडियोमा मोडेल अनु शाह र दीक्पल कार्कीले अभिनय गरेका छन् । भिडियोको निर्देशन मौसम हिमाली, सम्पादन मनोज कार्की र छायाङ्कन बुद्ध थापाले गरेका हुन् ।

गीतको रेकर्डिङ प्रिज्म स्टुडियोमा गरिएको हो ।

गायक देवकोटाको ‘म त आउने थिएन’, ‘बल्लै भेट भयो’, ‘नजरैको भर’, ‘रुमाल मैलो’ लगायत दर्जनौं ठेट रोइला (खेली) गीत चर्चित छन् ।