प्रभु र सेञ्चुरी बैंकसँग जोडिएका अरु कर्मचारी र पूर्वसञ्चालक पनि खोज्दै प्रहरी
नेपालबहस संवाददाता
फागुन १५, २०८० मंगलबार १३:५९:९
१५ फागुन, काठमाडौं । प्रहरीले सेञ्चुरी बैंकबाट गाभिएर प्रभु बैंकमा आएका अन्य कर्मचारी, सेञ्चुरीका पूर्व सञ्चालक समितिमा रहेकाहरूको पनि खोजी सुरु गरेको जनाएको छ । पहिले सेञ्चुरीमा रहँदा माथिल्लो पोष्टमा बसेका कर्मचारीहरू हाल प्रभु बैंकमा पनि मिसिएर आएकाले उनीहरुको खोजी भइरहेको सीआईबीको भनाइ छ । केही सञ्चालक र अरु थप चारजना कर्मचारी पक्राउ गर्ने तयारीमा सीआईबी रहेको तर नाम भने खुलाएको छैन ।
तत्कालीन सञ्चालक समितिसहित सीईओले मिलेर गरेको ऋण प्रवाह दुरुपयोग गरेको आरोपमा हाल प्रभु बैंकमा मिसिएर आएका कर्मचारी पनि दोषी देखिएकाले खोजी गरिएको हो । सेञ्चुरी बैंकमा रहँदा कमसल धितोमा कर्जा प्रवाह गरेको अभियोगमा हाल प्रभु बैंकका वरिष्ठ डेपुटी प्रमुख कार्यकारी अधिकृत मनोज न्यौपानेसहित ११ जना कर्मचारी पक्राउ परेका हुन् भने थप चार जनाको खोजी भइरहेको छ ।
२०७९ पुसमा प्रभु बैंक र सेन्चुरी कमर्सियल बैंकले एकीकृत कारोबार सुरु गरेका थिए । प्रभु बैंकले सेञ्चुरीलाई गाभेर एकीकृत कारोबार सुरु गर्दा प्रभु बैंकका पूर्व अध्यक्ष देवीप्रकाश भट्टचनले एकीकृत कारोबारको औपचारिक उद्घाटन गरेका थिए । त्यसयता यो बैंक अनेक विवादमा पर्दै आएको छ ।
नेपाल राष्ट्र बैंकले यसअघि पनि प्रभु बैंकलाई विभिन्न शीर्षकमा कारवाही गरिसकेको छ । राष्ट्र बैंकको पत्रका आधारमा उनीहरूलाई पक्राउ गरिएको सीआईबीले जनाएको छ । सेञ्चुरी बैंकबाट आएका सविन घिमिरे, सुवास श्रेष्ठ, अनुपमा श्रेष्ठ, सुनिल बस्नेत, दिलीप बराल, सन्ध्या श्रेष्ठ, दीपेश प्रधान र रमण श्रेष्ठ पक्राउ परिसकेका छन् ।
उनीहरूसँगै पक्राउ पर्ने अन्यमा हाल प्रभु बैंकमा कार्यरत कर्मचारी दिलीप बराल, दीपेश प्रधान, रमण श्रेष्ठ र राजेश भण्डारी छन् । पक्राउ पर्ने थप ४ जनाको नाम खुलेको छैन । थप केहीको प्रहरीले खोजी गरिरहेको छ । उनीहरुविरुद्ध नेपाल राष्ट्र बैंक अन्तर्गतको बैंकिङ कसुरमा अनुसन्धान सुरु भएको छ ।
ऋण लेनदेनमा देउराली सहकारीका अध्यक्ष रवीन्द्र चौलागाईंको डिजाइन र मिलेमतोमा सीईओ बैंकका तत्कालीन चिफ क्रेडिट अफिसर राजेश भण्डारी, तत्कालीन सीईओ मनोज न्यौपाने, त्यस अघिका सिइओ तुलसीराम गौतम लगायतका व्यक्तिले कमिसन लिई कम धितो राखेर बढी ऋण प्रवाह गरी बैंकलाई हानी नोक्सानी पुराएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसंसदीय छानबिनको सूचीमा नअटाएको माओवादी निकट गतिशील सहकारीको २ अर्ब हिनामिना
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
डीआईजी र एसएसपी सरुवामा गृहमन्त्रीको मनोमानी, ५ महिना नपुग्दै लखेटिए आचार्य
जेठ १७, २०८१ बिहिबार
सन्दीप लामिछानेलाई अमेरिकाले फेरि पनि दिएन भिसा
जेठ १७, २०८१ बिहिबार
सिटिजन्स बैंकको पार्टनर फर प्रोग्रेस भिडियो प्रतियोगिता
जेठ १७, २०८१ बिहिबार
सिटिजन्स बैंकका ग्राहकलाई अनमोल डेण्टलका सेवाहरुमा १५% सम्मको आकर्षक छुट
जेठ १७, २०८१ बिहिबार
तापक्रममा ‘रेकर्ड ब्रेक’ : वर्षकै सबैभन्दा बढी नेपालगञ्जमा ४४.२ डिग्री
जेठ १७, २०८१ बिहिबार
बजेट पारदर्शितामा नेपाल ५८ औं स्थानमा
जेठ १७, २०८१ बिहिबार
मधेस प्रदेश सरकारको बेरुजु एक अर्ब ५९ करोड
जेठ १७, २०८१ बिहिबार
कांग्रेस मात्रै लोकतान्त्रिक पार्टी हो : नेता निधि
जेठ १७, २०८१ बिहिबार