कोटेश्वरमा बसले ठक्कर दिदा ड्युटीमा खटिएका ट्राफिक प्रहरी घाइते, चालक नियन्त्रणमा

२० फागुन, काठमाडौं । काठमाडौंको कोटेश्वर चोकमा ड्युटीमा खटिएका ट्राफिक प्रहरीलाई बसले ठक्कर दिएको छ । जुनेली यातायातको बसको ठक्करबाट प्रहरी नायव निरीक्षक 'सई' टोपबहादुर खत्री घाइते भएका छन् ।

गौशाला हुँदै ललितपुर बालकुमारी जान लागेको जुनेली यातायातको प्रदेश ३ ०१–००५ ख ९७५५ नम्बरको बसले खत्रीलाई ठक्कर दिएको हो । बस र चालक प्रहरी नियन्त्रणमा छन् । खत्रीको अन्नपूर्ण न्यूरो अस्पतालमा उपचार भइरहेको छ ।