बैंक तथा वित्तीय संस्थामा ६१ खर्ब ३१ अर्बमाथि पुग्यो निक्षेप
नेपालबहस संवाददाता
फागुन २६, २०८० शनिबार १४:२५:३२
२४ फागुन, काठमाडौं । यो वर्षको पुस मसान्तसम्म बैंक तथा वित्तीय संस्थामा ६१ खर्ब ३१ अर्बभन्दा माथि निक्षेप जम्मा भएको छ । त्यस यता माघ र फागुनको निक्षेप गणना भएको छैन । वार्षिक रुपमा हेर्ने हो भन्दै ७ खर्ब निक्षेप गत वर्षभन्दा थपिएको छ । नेपाल राष्ट्र बैंकले अधिक तरलता जम्मा भएको भन्दै बजारबाट निक्षेप तानिरहेको छ ।
बिहीबार मात्र बजारबाट ५० अर्ब तानेको राष्ट्र बैंकले बैंकिङ प्रणालीमा एक वर्षको अवधिमा ७ खर्ब ७० अर्ब रुपैयाँ निक्षेप थपिएको जनाएको छ । चालु आर्थिक वर्षको पुष मसान्तसम्ममा बैंक तथा वित्तीय संस्थामा कुल ६१ खर्ब ३१ अर्ब रुपैयाँ निक्षेप रहेको छ । गत आर्थिक वर्ष बैंक तथा वित्तीय संस्थामा कुल ५३ खर्ब ६० अर्ब रुपैयाँ निक्षेप थियो । एक वर्षमा कुल ७ खर्ब ७० अर्ब रुपैयाँ निक्षेप थपिएको राष्ट्र बैंकको भनाइ छ ।
राष्ट्र बैंकका अनुसार वाणिज्य बैंकहरुको कुल निक्षेप ५४ खर्ब २९ अर्ब रुपैयाँ रहेको छ । जुन गत आर्थिक वर्षको तुलनामा ७ खर्ब १२ अर्ब रूपैयाँले बढी हो । गत आर्थिक वर्षको सोही अवधिमा वाणिज्य बैंकहरुको कुल निक्षेप ४७ खर्ब १७ अर्ब रुपैयाँ रहेको थियो ।
यस्तै विकास बैंकहरुको कुल निक्षेप ५ खर्ब ८४ अर्ब रुपैयाँ र फाइनान्स कम्पनीहरूको निक्षेप १ खर्ब ९ अर्ब रुपैयाँ पुगेको छ । लगानी गर्ने वातावरण नभएको भन्दै कर्जा लगानी नभएपछि निक्षेप बैंकमा राखेर ब्याज खानेहरूको संख्या बढिरहेको छ ।
राष्ट्र बैंकले जनाए अनुसार बैंकिङ क्षेत्रमा निक्षेप खाताको संख्या ५ करोड ३५ लाख माथि पुगेको छ । जुन गत आर्थिक वर्षको भन्दा ५२ लाख २५ हजारले बढेको छ । गत आर्थिक वर्षको सोही अवधिमा ४ करोड ८३ लाख २४ हजार निक्षेप खाता सञ्चालनमा थिए ।
पुष मसान्तसम्ममा वाणिज्य बैंकमा ४ करोड ५९ लाख ११ हजार ४२ वटा, विकास बैंकमा ६८ लाख २ हजार ५७० वटा र फाइनान्स कम्पनीमा ८ लाख ३६ हजार ६९४ वटा निक्षेप खाता संचालनमा रहेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकुमारी बैंकका ग्राहकलाई होटल भिन्टेज होमबाट प्रदान गरिने सेवामा विशेष छुट
जेठ ७, २०८१ सोमबार
सिटिजन्स बैंकका सबै कार्डहरू अति सुरक्षित छन्, ढुक्कले चलाउनु भए हुन्छ
जेठ ६, २०८१ आइतबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
कलेजो क्यान्सर भएको कसरी थाहा पाउने ? यस्ता छन् लक्ष्णहरु !
नेपालबहस संवाददाता
जेठ ५, २०८१ शनिबार
हावाहुरीले उदयपुरमा करोडौँको क्षति
जेठ ६, २०८१ आइतबार
तपाईको आजको राशीफल कस्तो छ ?
जेठ ७, २०८१ सोमबार
कस्तो छ आजको मौसम पूर्वानुमान ?
जेठ ७, २०८१ सोमबार
जलेश्वर कारागार जीर्ण, कैदीबन्दीलाई समस्या
जेठ ७, २०८१ सोमबार
संसदीय इतिहासमा कलंकित भएर रहने भो २०८१ सालको जेठ ७ गते
जेठ ७, २०८१ सोमबार
इरानी राष्ट्रपतिको मृत्युपछि अब के हुन्छ ?
जेठ ७, २०८१ सोमबार
राफाहबाट आठ लाख मानिसहरू विस्थापित
जेठ ७, २०८१ सोमबार
इरानी राष्ट्रपति रायसीको निधनप्रति विश्वका नेताद्वारा शोक व्यक्त
जेठ ७, २०८१ सोमबार
बजेट अभावमा खानेपानी आयोजना निर्माण ठप्प
जेठ ७, २०८१ सोमबार