स्याङ्जा दुध, अण्डा र मासुमा आत्मनिर्भर बन्यो
नेपालबहस संवाददाता
चैत २१, २०८० बुधबार १२:८:४४
प्रकाश डोटेल
२१ चैत, स्याङ्जा । स्याङ्जा उत्पादन र खपतका हिसाबले दुध, अण्डा र मासुमा आत्मनिर्भर बनेको छ । भेटेरनरी अस्पताल तथा पशु विज्ञ केन्द्रले उपलब्ध गराएको तथ्याङ्क अनुसार स्याङ्जा दुध, अण्डा र मासुमा आत्मनिर्भर बनेको हो ।
दुई लाख ५३ हजार २४ जनसंख्या रहेको जिल्लामा वार्षिक दुई करोड ८४ लाख ६३ हजार लिटर दुध उत्पादन हुन्छ । वार्षिक प्रतिव्यक्ति न्यूनतम् ९१ लिटर दुध उपभोग गर्नुपर्छ । प्रतिव्यक्ति एक सय १२ लिटर दुध उपलब्धता भएको स्याङजाबाट आन्तरिक खपतपछि ५३ लाख १३ हजार पाँच सय चार लिटर दुध निकासि हुँदै आएको छ ।
जिल्लामा खासगरी भैसी र गाईको दुध उत्पादन हुँदै आएको छ । आन्तरिक खपत र निकासी हुने दुधमा भैसीको २६ हजार सात सय १३ र गाईको एक हजार सात सय ५० मेट्रिकटन दुध उत्पादन हुने गरेको पशु विज्ञ केन्द्रका वरिष्ठ पशु चिकित्सक रुपेश श्रेष्ठले बताए ।
वार्षिक न्यूनतम् ४८ वटा अण्डा उपभोग गुर्नपर्ने मापदण्ड रहेपनि स्याङ्जामा प्रतिव्यक्ति दुई सय ३१ वटा अण्डा उत्पादन हुन्छ । पाँच करोड ८६ लाख २७ हजार अण्डा उत्पादन हुने जिल्लामा उपभोगपछि वार्षिक चार करोड ६४ लाख ८१ हजार आठ सय ४८ अण्डा निकासी हुने गरको कार्यालयले जनाएको छ ।
भीरकोट नगरपालिकाको हेलुस्थित खिलुङ् कालिका एग्रो फार्मले जर्मनी प्रविधिमा दैनिक झण्डै डेढ लाख वटा अण्डा उत्पादन गर्दै आएको छ । जिल्लाका भीरकोट, वालिङ र आसपास क्षेत्रका लेयर्स कुखुरापालक कृषकले पनि अण्डा उत्पादन गर्दै आएका छन् ।
मासुमा समेत आत्मनिर्भर रहेको जिल्लामा वार्षिक ३५ सय ५२ मेट्रिकटन मासु उत्पादन हुदै आएको छ । प्रतिव्यक्ति वार्षिक १४ किलो मासु चाहिनेमा आन्तरिक उत्पादनले जिल्लालाई धानेको छ । मासु उत्पादनमा सबै भन्दा बढि भैसी, राँगा, खसी, बाख्रा र कुखुरा छ भने भेडा र बंगुर सामान्य मात्रामा उत्पादन हुन्छ ।
जिल्लाका पुतलीबजार, भीरकोट, वालिङ, गल्याङ्, चापाकोट र आँधीखोलामा बढिमात्रामा दुध उत्पादन हुँदै आएको केन्द्रका पशु विकास अधिकृत गोपाल गिरीले बताए । उनका अनुसार उत्पादनका हिसाबले चापाकोट, बिरुवा, कालिगण्डकीमा बढि मात्रामा मासु उत्पादन हुन्छ ।
६८ हजार नौ सय २३ घरधुरी रहेको जिल्लामा ४५ हजार दुई सय १२ घरपरिवार पशुपालनमा संलग्न छन् । विज्ञ केन्द्रका अनुसार जिल्लामा छ सय १४ बाख्रा, चार सय ८ कुखुरा, दुई सय नौ गाईभैसी फार्म सहित साना र ठूला गरी १४ सय ८९ वटा पशुपंक्षी फार्महरु संचालनमा छन् । दुध, अण्डा र मासु उत्पादनमा वर्षेनी बृद्धि हुँदै आएको कार्यालयले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपगण्डकीको मुख्यमन्त्रीमा कांग्रेस संसदीय दलका नेता पाण्डे नियुक्त
जेठ १६, २०८१ बुधबार
यार्सागुम्बा संकलनको पहिलो गन्तव्य नाम्के खर्कबाट सुरु, सुरक्षा व्यवस्थापन कडा
जेठ १६, २०८१ बुधबार
कृषि र व्यवसायमार्फत सबल बन्दै ग्रामीण अर्थतन्त्र
जेठ १६, २०८१ बुधबार
सीमा सुरक्षा प्रहरी चौकी
नेपालबहस संवाददाता
जेठ १४, २०८१ सोमबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
लण्डनमा नेपाली दाजुभाइको 'स्क्वीज्ड' नामको नयाँ रेष्टुरेन्ट संचालनमा
जेठ १५, २०८१ मंगलबार
झापामा हुरीबतासले करोडौँको क्षति, विद्युत् आपूर्ति बन्द
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
जेठ १६, २०८१ बुधबार
२०८४ अगाडी नै संविधान संशोधन गरिनुपर्छः सिटौला
जेठ १६, २०८१ बुधबार
चन्द्रागिरिले सवारी प्रदूषण नियन्त्रणमा कडाइ गर्ने
जेठ १६, २०८१ बुधबार
आफ्नै ठुलीआमालाई हत्या गरेको अभियोगमा पक्राउ
जेठ १६, २०८१ बुधबार
उत्तर कोरियाबाट फोहोरले भरिएका बेलुन दक्षिणतर्फ पठाइएको दावी
जेठ १६, २०८१ बुधबार
जापानका अनुसन्धानकर्ताद्वारा विश्वको पहिलो काठको उपग्रह निर्माण
जेठ १६, २०८१ बुधबार
गण्डकीको मुख्यमन्त्रीमा कांग्रेस संसदीय दलका नेता पाण्डे नियुक्त
जेठ १६, २०८१ बुधबार