त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी

७ वैशाख, काठमाडौं । त्रिभुवन अन्तर्राष्ट्रिय विमानस्थलमा समयमै जहाज नउडेपछि यात्रुहरूले नाराबाजी गरेका छन् । बिहान १० बजे हुनुपर्ने उडान अहिलेसम्म नभएको भन्दै यात्रुहरूले नाराबाजी गरेका हुन् । सबै कम्पनीका जहाज अहिले डिले भइरहेका छन् । 

मौसम सफा रहेको अवस्थामा पनि नियमित सेड्युल अनुसार कुनै पनि जहाज उडान र अवतरण हुन नसकेको बताइएको छ । बिहान १० बजे उडाउने भनेर समय दिएको थियो । तर, अहिले अहिलेसम्म पनि जहाज आएको छैन भनेर रोकिएको छ, एक यात्रुले भने, अब कहिले उडाउने हो ।  

त्रिभुवन विमानस्थलले भने जहाज डिले हुनुको कुनै कारण दिएको छैन । समयमा नै जहाज नउडाएको  भन्दै एति एयरलाइन्सको काण्टरमा यात्रुहरु नारावाजी गर्न पुगेका छन् । बुद्ध एयरको जहाज पनि उस्तै डिले भएको छ । इलाममा निर्वाचनको रिपोटिङ गर्न मध्यान्ह विमानस्थल छिरेको पत्रकारहरूको टोली पनि अलपत्र परेको बताइएको छ ।