बजेट अधिवेशनसम्म नपुग्दै फेल खायो संसदीय क्यालेण्डर
नेपालबहस संवाददाता
बैशाख १९, २०८१ बुधबार १३:२२:२२
१९ वैशाख, काठमाडौं । सरकारले २६ वैशाख अन्तिम साता संसदको बर्खे अधिवेशन (बजेट अधिवेशन) बोलाउने जानकारी गराएपछि सभामुख देवराज घिमिरेले संसदीय समितिका सभापति र सदस्यहरुसँग छलफल राखे । जसमा संसदीय क्यालेण्डर प्रभाकारी नभएको विषय उठ्यो । क्यालेण्डरकै कारण कोरम नपुगेर समिति बैठक बस्न नसकेको सभापतिहरूले गुनासो गरे ।
उपस्थित नहुने सांसदलाई स्पष्टीकरण सोध्ने जस्ता विषय संसदीय क्यालेन्डर नभएकाले यसमा पुनरावलोकन गर्नुपर्छ भन्ने सभापतिहरुको सभामुखसँग माग छ । कोरम नपुग्ने समस्यालाई प्राथमिकता दिन क्यालेण्डरमा सुधार गर्नु पर्ने देखिएको हो । सांसदहरूको उपस्थिति नहुँदा नियमित बैठक बस्न नसकेको र यसको प्रभाव विधेयकको छलफलमा परेको छ ।
कोरम नपुग्दा विधेयकमा संशोधन प्रस्ताव हालेका संशोधनकर्ता सांसदसँग छलफलमा पनि भएको छैन् । संघीय संसद्को आगामी बजेट अधिवेशन कानुन निर्माणको पक्षमा परिणाममुखी बनाउन दलहरूबीच सहमति गराउन सभामुखले छलफल राखेका थिए । संसदीय समितिका सभापति तथा राष्ट्रिय मान्यता प्राप्त दलका प्रमुख सचेतक र सचेतकसँग सभामुख देवराज घिमिरेले मंगलबार सिंहदरबारमा छलफल गरेका थिए ।
छलफलमा आगामी अधिवेशन विधेयक निर्माणको पक्षमा फलदायी बनाउन सक्रिय भूमिका खेल्न सभामुखले आग्रह गरेका थिए । बजेट अधिवेशन मुख्यतः नीति तथा कार्यक्रम र आगामी आर्थिक वर्षको बजेट निर्माणमा केन्द्रित हुन्छ । विगतका अधिवेशनमा कानुन निर्माणले अपेक्षित गति लिन नसकेको भन्दै सभामुखले बजेट अधिवेशनलाई विधायिकी कार्यमा पनि परिणाममुखी बनाउने साझा धारणा बनाउन खोजेका हुन् । यसका लागि संसदीय समितिमा लामो समयदेखि विचाराधीन विधेयकहरू अधिवेशन प्रारम्भ हुनुअगावै छलफल गरेर टुंग्याउने विषय पनि उठेको थियो ।
संसद् सचिवालयका अनुसार हाल समितिमा १४ वटा विधेयक विचाराधीन छन् । समिति बैठक सञ्चालनमा देखिएका अप्ठ्यारा सम्बोधन गर्न सभामुख र संसदीय दलले समन्वय गर्ने समझदारी नै गर्नुपरेको छ । समितिमा गएका विधेयकहरू अझै पनि छलफलबाट टुंगिएका छैनन् । अधिवेशन आह्वान हुनुभन्दा अगाडि नै छिटो टुंग्याउने र काममा गति दिने विषयमा छलफल सम्म भएको छ ।
छलफलमा समितिका सभापतिहरूले आफ्नो समितिको कार्यप्रगति विवरण राख्दै कोरम नपुग्ने समस्यालाई प्राथमिकताका साथ सुनाएका थिए । सांसदहरूको उपस्थिति नहुँदा नियमित बैठक राख्न नसकेको र यसको प्रभाव विधेयकको छलफलमा परेको उनीहरूको भनाइ थियो । सभापतिहरूले विधेयकमा संशोधन प्रस्ताव हालेका संशोधनकर्ता सांसदसँग छलफलमा पनि कठिनाइ उत्पन्न भएको विषय राखेका थिए । समिति बैठकमा सांसदहरूको अनिवार्य उपस्थितिका लागि क्यालेन्डर परिमार्जनदेखि ताकेता गर्ने, कडाइ गर्ने तथा स्पष्टीकरण सोध्नेसम्मको विकल्पमा जानुपर्ने सममति भएको छ ।
छलफलमा सांसदहरुले समिति र संसद्लाई सँगसँगै लैजानुपर्ने विषय उठेका थिए । संसद्को बैठक हुँदा त्यता केन्द्रित हुनुपर्ने। नहुँदा जिल्लाका काम जानुपर्ने र यसरी उपस्थित नहुने, कोरम नपुग्ने समस्य आएकाले संसदीय क्यालेण्डर फेर्नुपर्छ भन्दै अब संसद्को बैठकले समितिको बैठकलाई खुलाउनुपने तथा क्यालेन्डर बनाउँदा समिति र संसद्लाई सँगसँगै लानुपर्ने बताएका िथए । एक दिन सदन, एक दिन समिति चलाउने विकल्पमा जानेबारे क्यालेण्डरमा व्यवस्था गर्नुपर्ने उनीहरुको माग छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपशुपतिनाथको भेटी चोर्ने आठ जना पक्राउ
नेपालबहस संवाददाता
जेठ ७, २०८१ सोमबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
विनोद त्रिपाठी
जेठ ८, २०८१ मंगलबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
जेठ ८, २०८१ मंगलबार
गृहमन्त्री रवि लामिछानेको दोहोरो पासपोर्टको अनुसन्धान कहिले ? : सिरोहिया
जेठ ८, २०८१ मंगलबार
सेक्युरिटी प्रिन्टिङ खरिदमा भ्रष्टाचार : विकललाई २ वर्ष कैद, २५ करोड जरिवाना
जेठ ८, २०८१ मंगलबार
राहुघाटको ‘प्रेसर साफ्ट’ ‘ब्रेक थ्रु’
जेठ ८, २०८१ मंगलबार
तरकारी खेतीबाट वार्षिक रु आठ लाखको बचत
जेठ ८, २०८१ मंगलबार
सानिमा बैंकको वित्तीय अवस्था दिन प्रतिदिन बिग्रँदै, वितरण योग्य नाफामा पहिरो
जेठ ८, २०८१ मंगलबार