स्पा तथा वेलनेस सेवामा जनशक्ति अभाव, माग धान्न हम्मेहम्मे
नेपालबहस संवाददाता
बैशाख २०, २०८१ बिहिबार १२:४२:४५
२० वैशाख, काठमाडौं । पर्यटनको महत्त्वपूर्ण ‘प्याकेज’का रूपमा रहेको स्पा तथा वेलनेस सेवाका लागि आवश्यक दक्ष जनशक्ति अभाव भइरहेको यस पेसा व्यवसायका सरोकारवालाले औंल्याएका छन् ।
नेपालको पर्यटनमा महत्त्वपूर्ण सेवाका रूपमा रहेको स्पा र वेलनेस सेवाको माग दिनप्रतिदिन बढिरहे पनि दक्ष जनशक्ति अभावले उपभोक्ताको माग धान्न हम्मेहम्मे परिरहेको छ । यसै परिप्रेक्ष्यमा ट्रयान्क्विलिटी स्पा एकेडेमीले रोजगारीको ग्यारेन्टीसहित तीनमहिने ‘स्पा थेरापिष्ट’को तालिममा नयाँ भर्ना खोलेको छ ।
एकेडेमीले विगत लामो समयदेखि स्पा तथा ब्यूटीसियनसम्बन्धी तालिम सञ्चालन गर्दै आइरहेको छ । हालसम्म एक हजार पाँच सय स्वदेशी तथा तीन सय विदेशी प्रशिक्षार्थीलाई स्पा थेरापिष्टसहित विभिन्न तालिम दिइएको एकेडेमीका कार्यकारी निर्देशक सुरेश पुरीले जानकारी दिए ।
एकेडेमीले नयाँ पाठ्यक्रमसहितको भर्ना खोलेको सन्दर्भमा जानकारी दिन आयोजित पत्रकार सम्मेलनमा कार्यकारी निर्देशक पुरीले अथाह सम्भावना र माग भइरहेको यो क्षेत्रमा दक्ष जनशक्ति अभाव भइरहेको सन्दर्भमा एकेडेमीले विभिन्न कक्षा सञ्चालनमा ल्याउन लागेको बताए ।
काठमाडौंको कमलादीस्थित हेरिटेज प्लाजामा रहेको ट्रयान्क्विलिटी इन्टरनेशनल ब्यूटी एण्ड स्पा एकेडेमीले ‘स्पा थेरापिष्ट’ सहित विभिन्न तालिममा रोजगार ग्यारेन्टीसहित नयाँ भर्ना खोलेको कम्पनीले उल्लेख गरेको छ ।
एकेडेमीका कार्यकारी निर्देशक सुरेश पुरीले हालसम्म तालिम लिएका कोही पनि बेरोजगार नभएको बताए । सन् २००९ मा ट्रयान्क्विलिटी ब्यूटी एकेडेमीका रूपमा स्थापना भएको र हाल ट्रयान्क्विलिटी इन्टरनेशनल ब्यूटी एण्ड स्पा एकेडेमी नाममा सञ्चालन भएको हो ।
एकेडेमीका तालिम संयोजक राजेश फैजुले आवश्यकतानुसार छ दिनदेखि एक वर्षसम्मका तालिमको डिजाइन गरेर एकेडेमीमा तालिम दिइन्छ । रोजगारको आवश्यकता भएकाहरूलाई बैकिङ लोन तथा जब ट्रेनिङको समेत व्यवस्था गरिएको उनले बताए ।
एकेडेमीले भारत, दुबई, थाइल्याण्ड, स्वीजरल्याण्डलगायत देशका प्रतिष्ठित कलेज तथा तालिम केन्द्रबाट तालिमप्राप्त, अनुभवी एवं दक्ष प्रशिक्षकका साथै आयुर्वेद चिकित्सक ऐश्वर्य श्रेष्ठबाट प्रशिक्षण गराइरहेको जानकारी दिएको छ ।
तालिमप्राप्त जनशक्तिको उच्च माग र आवश्यकतालाई मध्यनजर गर्दै एकेडेमीले डिप्लोमा इन स्पा थेरापी, बेसिक इन मसाज थेरापी, आयुर्वेदा फाउण्डेशन कोर्ष तथा एडभान्स डिप्लोमा इन स्पा म्यानेजमेन्टजस्ता कोर्षहरू डिजाइन गरी सुरुआत गरेको हो ।
स्पा एकेडेमीबाट तालिम लिएपश्चात स्वरोजगार तथा व्यावसायिक सुरुआत गर्न चाहनेहरूलाई अत्यन्त उपयोगी हुनुका साथै वैदेशिक रोजगारीमा जान चाहनेले आकर्षक तलबसहित सम्मानजनक जागिर प्राप्त गर्न सक्ने एकेडेमीले विश्वास लिएको छ ।
ट्रयान्क्विलिटी इन्टरनेशनल ब्यूटी एण्ड स्पा एकेडेमी नेपालका अधिकांश पाँचतारे होटलमा सेवा दिइरहेको स्पा तथा वेलनेस जगत्मा नेपालकै सबैभन्दा ठूलो र स्तरीय स्पा चेन भएको ट्रयान्क्विलिटी स्पा प्रालिको भगिनी संस्था हो । यकिन तथ्याङ्क नभए पनि नेपालको प्रमुख पर्यटकीय क्षेत्रमा आठ सयदेखि एक हजार स्पा सञ्चालनमा रहेको व्यवसायीको अनुमान छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउच्च रक्तचाप नियन्त्रणमा राख्नसके दीर्घकालीन असरबाट बच्न सकिन्छ
जेठ ४, २०८१ शुक्रबार
स्वास्थ्य शिविरबाट तीन सयभन्दा बढी लाभान्वित
जेठ ४, २०८१ शुक्रबार
लुबाट बच्न व्यापक जनचेतना जरुरी
जेठ ३, २०८१ बिहिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
भान्सामा राखिएका यी चिजले घरमा गरिबी ल्याउछ आजै हटाउनुहोस्
नेपालबहस संवाददाता
जेठ २, २०८१ बुधबार
अवनतिको बाटो फेर्न लागेको राजनीति र सुरक्षा चासो
जेठ ४, २०८१ शुक्रबार
सुनको मूल्यमा गिरावट, तोलाको कति ?
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
सशस्त्रका डीआईजी न्यौपानेलाई प्रवक्ताको जिम्मेवारी
जेठ ४, २०८१ शुक्रबार
लेनडाँडा सुरुङमार्गको 'ब्रेक थ्रु'
जेठ ४, २०८१ शुक्रबार
प्रधानमन्त्री र मन्त्रीहरूको सम्पत्ति विवरण सार्वजनिक हुने
जेठ ४, २०८१ शुक्रबार
मालिक रिसाउनुमा यी ग्रहको भूमिका, जान्नुहोस् हाकिमको स्वभाव
जेठ ४, २०८१ शुक्रबार
कोशीका मुख्यमन्त्री कार्कीले विस्तार गरे मन्त्रिपरिषद, सबैले लिए शपथ
जेठ ४, २०८१ शुक्रबार
आजदेखि संसद भवन वरिपरीका पेटीबाट हिँड्न नपाइने
जेठ ४, २०८१ शुक्रबार